5 вкусни салати за Велигден: Совршен прилог за скара или печено месо, се прават брзо а многу се здрави!

Велигденската трпеза мора да биде разновидна: освен погача и слатки десерти, шарени јајца и пити, салатите исто така се дел од задолжителното велигденско мени.

Ви предлагаме 5 рецепта за 5 разновидни и вкусни велигденски салати…

Салата со тортелини, шунка, кашкавал и мајонез

Состојки:

• 1 пакување тортелини
• 100 г шунка
• 150 г кашкавал
• 2 црвени свежи пиперки
• 1/2 голема краставица
• половина конзерва пченка
• 1 врзоп власец
• 3 лажици кисело млеко
• 3 лажици мајонез
• сол и бибер

Приготвување:

Сварете ги тротелините и оставете ги да се оладат, па во чинијата со нив додајте сечкана шунка, кашкавал, пиперка, краставица, пченка, мајонез и кисело млеко, сол и бибер. Сето тоа измешајте го, додајте власец и послужете.

Редена салата со јајца, пченка и грашок

Состојки:

• 6 варени јајца
• кашкавал
• 6 кисели краставички
• 1 врзоп власец
• 1 врзоп рдоква
• грашок од конзерва
• пченка од конзерва
• 4 лажици јогурт
• 4 лажици мајонез
• сол и бибер

Приготвување:

Изрендајте ги рдоквите, сварете ги јајцата или искористете ги испуканите велигденски јајца, а потоа исечкајте ги ситно. Изрендајте го кашкавалот, во посебна чинија измешајте кисело млеко, мајонез и зачини и исечкајте ги краставичките.

Редете ја салатата во чинија така што прво ќе ставите јајца, па сечкан власец, па слој мајонез и кисело млеко, па грашок, пченка, рдоква, слој мајонез и кисело млеко, па рендан кашкавал и власец.

Салата со тортелини, фета, сушен домат и рукола

Состојки:

• тортелини
• 4 лажици сончогледови семки
• фета-сирење
• 4 грста свежа рукола
• 7 парчиња сув мариниран домат
• 1 црвена пиперка
• сол и бибер

Приготвување:

Сварете ги тортелините и оставете ги да се оладат. Потоа, ситно исечкајте ги доматот и пиперката. Издробете ја фетата. Во чинија ставете ги тортелините, сечканиот зеленчук, сечканата рукола, сирењето и зачините. Додајте и семки од сончоглед. Промешајте и послужете.

Тартарска салата со јајца и кисели краставички

Состојки:

• 6 варени јајца
• 6 кисели краставички
• маринирани печурки
• 1 главица црвен кромид
• мирудија
• врзоп власец
• 2 лажици кисело млеко
• 2 лажици мајонез
• сол и бибер

Приготвување:

Исечкајте ги јајцата, краставичките, печурките и кромидот. Исечкајте власец и мирудија. Сето тоа ставете го во чинија, додајте јогурт и мајонез, сол и бибер. Промешајте и послужете.

Салата со јајца, ананас и шунка

Состојки:

• 6 варени јајца
• ананас од конзерва
• шунка
• пченка од конзерва
• целер
• кисело млеко и мајонез
• сол и бибер

Приготвување:

Исечкајте ги јајцата, шунката и ананасот. Изрендајте го целерот. Измешајте кисело млеко и мајонез, па додајте сол и бибер. Сето тоа промешајте го и послужете го.

Како се приготвуваат сите овие салати, погледнете во видеото…

3 предлози за велигденско предјадење: Полнети јајца, солени бајадери и шпанска салата