Како да направите одлична новогодишна декорација за трпезата за помалку од една минута? (ВИДЕО)

Новогодишните и божиќните празници ги карактеризира радост, богата трпеза и убаво уреден дом, декориран во новогодишниот дух. За трпезата на која ќе послужите божиќен ручек и вечера да одговара на домот кој веројатно е богато украсен, ви претставуваме фантастично лесна идеја – декорација со салфетки.

Претежно, сите украси направени од салфетки се покомплицирани за изработка, особено за оние луѓе кои немаат талент за тоа. Овој трик, кој ќе ја освежи вашата трпеза и ќе воодушеви многу гости, е толку лесен за правење што ќе сакате да го правите цела година.

Станува збор за салфетки во форма на елка, кои одлично се вклопуваат во новогодишната атмосфера во нашите домови. За помалку од една минута научете да ја правите оваа декорација која одлично ќе ви послужи на божиќната трпеза. Најдобро би било да користите салфетки во зелена боја, но може да се користи и која било друга.

Погледнете го видеото!