Сите девојки лудуваа по него во 1990-тите, па нагло остаре: Едвај останал жив поради својот темперамент!

Џејсон Присли стана незаборавна телевизиска ѕвезда, благодарение на улогата на Брендон Волш во култната серија „Беверли Хилс, 90210“. Со извонредната актерска вештина, тој стана синоним за грижлив и одговорен постар брат. За време на серијата помина низ разни предизвици: тинејџерска љубов и пријателства, семејни проблеми и морални конфликти.

Роден е на 28. август 1969 година во Северен Ванкувер, Британска Колумбија. Мајка му Шерон Кирк била актерка. Завршил средно училиште во Северен Ванкувер. За глумата се интересирал уште како момче. Кариерата ја започнал во реклами, а на малите екрани дебитирал на 12 години во серијата Teen Angel.

Поради својот атрактивен изглед брзо им станал идол на тинејџерите и имал обожавателки ширум светот. Иако продолжил да се занимава со глума, никогаш не ја достигнал славата што ја добил со „Беверли Хилс“.

Присли ѝ бил интересен на јавноста и поради турбулентниот живот. Во 1998 година удрил со своето „порше“ во телефонски столб во Холивуд и бил уапсен поради возење во алкохолизирана состојба. Полицијата му ја одзела возачката дозвола на една година и морал да посетува програми за одвикнување од алкохол.

Љубовта кон глумата не била единственото нешто што го исполнувало легендарниот Брендон. И покрај тоа што животот веќе му бил загрозен во сообраќај, цела деценија се занимавал со трки, а во 2002 година доживеал тежок судир што едвај го преживеал.

Надвор од екраните, Џејсон Присли со својот придонес во разни хуманитарни акции и со својот ангажман во заедницата, покажал дека е повеќе од обичен актер. Неговата посветеност на промовирањето општествени вредности и поддршката на разни иницијативи, дополнително го поврзале со неговите обожаватели.

Она што го прави Џејсон Присли посебен е неговата способност лесно да се приспособува на различни жанрови и улоги и успева да ѝ даде длабочина и автентичност на секоја улога што ја игра.

Сè уште е многу атрактивен

Во 1990-тите години тој важеше за еден од најпожелните фраери и мамеше воздишки секаде каде што се емитуваше популарната серија „Беверли Хилс“. Оттогаш поминаа децении, но Џејсон Присли сè уште е во одлична форма. Иако има по некоја брчка, се нема многу променето во ликот, а најпрепознатлив е по насмевката и очите. Дамите и денес не можат да му одолеат, бидејќи станува сè попривлечен со текот на годините.

Џејсон Присли своевремено се испробал и во режисерските води, а потоа продолжил да глуми во серии.

Речиси 2 децении е во среќен брак

Го поврзуваа со бројни колешки, а во 2005 година се ожени со шминкерката и фитнес-инструкторка Наоми Лауд, со која има две деца, ќерка Ава Вероника (16) и син Дашило (14).

ТЕШКАТА ЖИВОТНА ПРИКАЗНА НА АКТЕРКАTA ШТО СИТЕ ЈА САКАВМЕ: Повторно има РАК, сè изгуби во пожар, ги тепаше момчето и колешките