Нездравите навики како што се недостаток на вежбање, пушење и прекумерна консумација на алкохол го зголемуваат ризикот од мозочен удар и кај помладите генерации.
Мозочниот удар е сериозна медицинска состојба која бара итна медицинска помош и третман. Тоа е еден вид повреда на мозокот предизвикана од блокирање на протокот на крв во мозокот, што постепено ги уништува мозочните клетки, а во некои случаи може да доведе до крварење.
Според здравствените експерти, животниот ризик од мозочен удар се зголемува по 55-годишна возраст. Но, денес, поради лошиот животен стил и прифаќањето на нездрави навики како што се недостаток на физички вежби, пушење и прекумерна консумација на алкохол, случаи на мозочен удар се пријавени и во помладите генерации.
Редовно вежбање – важен аспект на превенција од мозочен удар
Редовното вежбање помага во одржување на целокупното здравје. Други главни болести кои можат да доведат до поголем ризик од мозочен удар вклучуваат хипертензија, дијабетес и висок холестерол.
Хипертензијата (висок крвен притисок) е еден од најголемите фактори на ризик за мозочен удар. Се припишува на над 50% од исхемични удари (поради блокада), а исто така ги зголемува шансите за појава на хеморагичен мозочен удар (крварење во мозокот). Така, редовното вежбање помага во одржување на нивото на крвниот притисок, со што се намалува ризикот од мозочен удар до 80%.
Редовното вежбање не само што помага во контролата на нивото на гликоза во крвта, туку ги намалува и шансите за развој на мозочен удар кај дијабетичарите.
Поврзани објави
Високиот холестерол е уште еден фактор. Со зголемено ниво на ЛДЛ (лош холестерол), ризикот од градење на плаки, исто така, се зголемува, предизвикувајќи атеросклероза. Ова може да доведе до губење на мукозниот интегритет што доведува до формирање на згрутчување, што пак може да го спречи протокот на крв и да доведе до мозочен удар. Недостаток на вежбање доведува до големи компликации и може да има штетен ефект врз цереброваскуларниот систем.
Ниво на интензитет на вежбање
Започнете полека и постепено развијте го распоредот за вежбање. Може да практикувате вжби за зајакнување на мускулите и коските, но овие треба да се координираат со аеробни вежби како што се брзо одење, возење велосипед итн.
Може да практикувате и вежби со умерен интензитет, но секогаш е добро да се консултирате со лекар пред да започнете програма за вежбање. Вежбањето со мал интензитет доколку се изведува редовно има долгорочни придобивки и помага во контролата на ризикот од срцеви заболувања што може да доведат до мозочен удар во иднина. Вежби со низок интензитет вклучуваат одење, истегнување, јога и домашни работи.
Прочитајте и: Покрај респираторните, и овие 3 симптоми го откриваат коронавирусот: Предупредуваат од Центарот за контрола на болести!
ФОТО: Pexels