Симптоми на топлотен удар: Еве што прво да направите ако ги забележите

Топлoтниот удар има рани предупредувачки знаци. Ако брзо го забележите тоа, тоа може да помогне во спречувањето на развојот на посериозни компликации. Топлотниот удар се јавува кога телото не е во состојба да се поти, па затоа се оладува. Како што температурата се зголемува, кожата станува сува и пулсот почнува да расте.

Првичните симптоми на топлотна исцрпеност вклучуваат:

• мускулни грчеви
• општ умор
• главоболка
• вртоглавица
• чувство на несвестица
• гадење

Тешките симптоми кои укажуваат на топлотен удар вклучуваат: бледа, црвена или сува кожа, дезориентација, проблеми со одење, повраќање, забрзан пулс, забрзано дишење, несвестица.

Како да се лекува топлотниот удар и кога да се побара помош?

Доколку се појават најсериозните симптоми, забрзан пулс, конфузија, напади или несвестица, се препорачува веднаш да се побара медицинска помош. Исто така, кога вие или некој друг ќе почнете да покажувате знаци на топлотен удар, првото нешто што треба да направите е да ги тргнете од топлината (сонце), по можност во климатизирана просторија.

Од голема помош ќе ви бидат мокрите крпи или мраз. Нанесете ги на клучните области, како што се пазувите, грбот и вратот.

Во зависност од тежината на топлотниот удар, закрепнувањето може да потрае неколку дена. Важно е да пиете многу ладни течности кога сте подолг период на сонце, особено ако работите на топло или вежбате повеќе од еден час. Исто така, се препорачува избегнување на алкохол, како и слатки пијалоци на топло бидејќи тоа доведува до дехидратација поради прекумерно губење на вода, пишува Healthline.