При изборот на боја на коса, покрај нијансата, има уште многу работи на кои треба да се внимава…
Ако вашата цел е драматична трансформација на бојата, изберете боја со базна формула. Меѓутоа, доколку сакате суптилна, природна нијанса, бојата со кисела pH-вредност ќе ви го даде посакуваниот резултат, без да ја оштети косата.
Кога избираме боја, често се фокусираме на крајниот ефект и на нејзините перформанси. Дали го подобрува сјајот? Колку долго ќе трае? Како изгледа нијансата кога избледува? Но киселоста и базичноста на формулацијата се исто така клучна точка што треба да се земе предвид. Еве како pH-вредноста на бојата за коса влијае на резултатот од боењето. Имено, рН-вредноста е мерка за тоа дали растворот е кисел или базен.
Скалата се движи од нула до 14. Седум е неутралната точка. Сè што е под седум е киселина (нулата е најсилна), а сè што е над седум е база. Кога зборуваме за боење на косата, pH-вредноста на бојата одредува колку ќе биде трајна промената и колку брзо ќе се појави реакцијата. Основната (алкална) боја за коса предизвикува брзо набабрување и отворање на кутикулата на косата, што им овозможува на активните состојки и пигменти да навлезат подлабоко во косата.
Оксидативната хемиска реакција е моќна и брза, овозможувајќи трансформација, како што е драстично осветлување на косата или боење на седата коса, така што, резултатот е интензивна нијанса. Кога станува збор за киселите бои, оксидативната реакција е побавна, а кутикулата на влакното многу помалку се отвора.
Тоа значи дека рН-вредноста на киселата боја нема да предизвика драстична промена на бојата, но затоа штетата предизвикана од бојадисувањето ќе биде значително помала или непостоечка.
Овој тип боење не навлегува во внатрешноста на влакното, туку го таложи пигментот на површината, без да ја менува природната структура на косата. Не го оштетува или модифицира природниот меланин. Станува збор за фарба за коса која е и третман кој ја ревитализира косата, ни открија експертите од козметиката Montibello.
Поврзани објави
Insight InColor се фито-протеински бои со природни состојки и со низок процент на амонијак со неутрална pH-вредност од 5,0-6,0. Тие се без SLS/SLES (натриум лаурил/лаурет сулфат), пертолатум, парабени, бои, силикони, потенцијални алергени. (shop.depileve.mk)
Lakme Teknia Color Sta заштитен шампон за боена коса со кисела рН-вредност, кој ги затвора кутикулите, го продолжува времетраењето на бојата со одложување на губењето на пигментот. (shop.depileve.mk)
Wella Shinefinity Zero Lift Glaze помага да се постигне долготрајна сјајна боја без оштетувања, благодарение на ексклузивната технологија за балансирана pH-вредност. Ја измазнува кутикулата на влакната за здрав сјај и свилеста коса. (Орбико)
KayPro Keratin Special Care реструктурирачки третман со кератин за хемиски третирана и оштетена коса. Ги обновува и ги заштитува краевите на косата без да додава тежина. Производот е со базна формула, односно pH 7,5 – 8,0. (shop.depileve.mk)
L’Oréal Professionnel Vitamino Color Protecting Acidic Sealer е професиобален салонски третман, со pH-вредност од 4,5, се користи по боењето за да ѝ се врати pH-балансот на косата, да се затвори кутикулата и да се направи бојата да трае подолго. Ја прави косата мазна и мека. (e-elixir.mk)
Текст: Убавина и здравје
Коментарите се заклучени.