Меган Маркл го откри рецептот за нејзиниот појадок: Десерт што е здрав и не дебелее! (фото)
Ниско-калоричен банана леб
Меган Маркл пред речиси четири години објави збирка рецепти наречена „Заедно: Нашата заедница за готвење“.
Додека имаше дополнително слободно време, и поради пандемијата и поради бременоста, таа експериментираше со еден од нејзините омилени десерти – банана леб.
Ова не е класичен леб, туку сладок леб што може да се класифицира дури и во колачи. Лебот од банана кој Меган Маркл сама го направи го претстави за време на нејзиното прво кралско патување со нејзиниот сопруг, принцот Хари.
Состојки:
– 2 јајца
– 3 банани
– 300 грама брашно
– лажичка сода бикарбона
– 50 грама бел шеќер
– 50 грама жолт шеќер
– 100 грама путер
Поврзани објави
– лажичка есенција од ванила
– една лажица ореви или коцки чоколадо
View this post on Instagram
Подготовка:
Најпрво измешајте путер и шеќер, потоа додадете ванила, прстофат сол и сè убаво измешајте. Во друг сад излупете ги зрелите банани и изгмечете ги со вилушка. Бананите се додаваат во путерот, шеќерот и јајцата.
Вклучете ја рерната на 200 степени и плехот за печење намачкајте го со путер. Во брашното измешајте една лажичка сода бикарбона и додадете ја смесата со банана. Кога се добро ќе се измеша, додадете една лажица мелени ореви или уште подобро мали коцки чоколадо. Измешајте сè и истурете во подмачкана тава.
Откако ќе се загрее рерната, ставете ја тавата и печете на 180 степени околу 40 минути. Пред крај прободете го колачот со чепкалка, а ако не е сув значи лебот не е готов.
Оваа торта одлично оди со чај и кафе, а добра е и како појадок. Ова е одличен рецепт во кој можете да користите презрели банани кои ретко кој сака да ги јаде. Треба да се има на ум дека колку позрели се бананите, толку е посладок колачот и треба да се додаде помалку шеќер.