Од кујната на Дејв: Тортилји со мелено месо и зеленчук за ручек или вечера

Ручек или вечера? Овие тортилји со мелено месо, превкусна мачканица и зеленчук се две во едно! Доживејте експлозија на вкусови по рецепт на Давор Панчевски!

Состојки:

• 2 тортилји
• 250 г мелено месо
• 1 лажиче мешан сув зеленчук
• мелен црн бибер по вкус
• 1/2 лажичка суво оригано
• листови зелена салата
• парчиња свеж домат
• црвен кромид, тенко исечкан
• лута пиперка (или слатка) исечкана на тенки парчиња

За мачканицата:

• 3 лажици кисела павлака
• 1 лажиче сув копар
• малку лук во прав
• сол и мелен црн пипер по вкус
• малку суво оригано

Приготвување:

1. Најпрво, во сад измешајте го меленото месо со мешаниот сув зеленчук, биберот и сувото оригано. Оваа смеса поделете ја на половина и со помош на лажица или шпатула нанесете ја на тортилја.

2. Загрејте нелепливо тавче на средна температура и испржете ја тортилјата со страната со мелено месо свртена надолу кон тавата. Гответе 4-5 минути. Превртете од другата страна и гответе уште 1 минута.

3. Промешајте ја киселата павлака со зачините и нанесете од мачканицата врз меленото месо.

4. Наредете парчиња зелена салата, сечкан домат, пиперка и црвен кромид. Превиткајте на половина и послужете. Забавно готвење!

Dave’s Kitchen: Лиснати индиски лепчиња