Тортата „швалерка“ порано беше задолжителен дел од сите свечени трпези
Тортата „швалерка“ е десерт што некогаш се приготвуваше за посебни пригоди, а секоја домаќинка го знаеше рецептот напамет. Ќе биде уште повкусна ако ја направите три дена пред важниот настан, бидејќи така состојките подобро ќе се поврзат, а вкусот ќе биде уште поубав.
Состојки:
За корите:
- 300 г шеќер
- 3 лажици лебни трошки
- 3 лажици брашно
- 300 г сечкани ореви
- 15 белки
За првиот фил:
- 1/2 л млеко
- 2 пудинга од ванила
- 5 лажици брашно
- 5 лажици шеќер
За вториот фил:
- 15 жолчки
- 150 г шеќер
- 2 кесички ванилин шеќер
- 100 мл вода
За третиот фил:
- 500 г маргарин
- 350 г шеќер во прав
- 100 г чоколадо
За декорација:
- 4 шлага
Приготвување:
Во подлабок сад изматете 5 белки со 100 г шеќер, додајте 1 лажица лебни трошки, лажица брашно и 100 г сечкани ореви, па внимателно промешајте со шпатула или лажица. Печете ја смесата во рерна на 150 степени околу 45 минути. Истото повторете го уште 2 пати.
За првиот фил: Разматете го пудингот во млако млеко со шеќер и брашно, па сето тоа загревајте го на умерена температура додека се згусне. Кога пудингот ќе биде готов, оставете го да се олади.
За вториот фил: Пенесто изматете 15 жолчки со 150 г шеќер и ванилин шеќер, па додајте 100 мл вода и гответе на пареа додека се добие густ фил.
За третиот фил: Изматете го маргаринот со шеќерот во прав, па додајте ги двата претходно приготвени фила. Промешајте и поделете го филот на 2 дела, па во едниот додајте 100 г темно чоколадо.
Филувајте ја тортата по следниов редослед: кора – жолт фил – темен фил – кора – жолт фил – темен фил – кора – шлаг.