ВАКА сами си ги уништувате врските според хороскопскиот знак!

Партнерите треба да знаат како да комуницираат, да си веруваат и да бидат отворени еден пред друг.

Но дали мислите дека го правите сето ова, а сфаќате дека сепак ја уништувате секоја ваша љубовна врска?

Можеби астрологијата ќе ви помогне да откриете зошто.

Како сами си ги уништувате врските, според хороскопскиот знак?

Овен

Не можете да поднесете кога врската ќе стане малку монотона.

Кога станува збор за долги врски, нормално е да има малку досадни и монотони периоди. Но, вие никако не можете да се справите со нив.

Вие постојано сакате авантура, па станувате ужасен партнер кога ќе почне да спласнува почетната возбуда.

Поради ова, за вас е речиси невозможно да бидете во долга врска.

Бик

Не знаете како да се отворите пред партнерот.

Вам ви е страв да ги споделите вашите чувства и емоции со партнерот, па делувате како воопшто да не сте заинтересирани за него.

Со текот на времето, на партнерот почнува да му пречи ова, се сомнева во вашата љубов и станува јасно дека на врската ѝ се ближи крајот.

Близнаци

Некогаш не знаете да се однесувате како возрасна личност.

Врските бараат многу работа и не е доволна само љубовта. Но, вие заборавате на ова.

Заборавате дека треба да се однесувате и како возрасна личност, дека треба да водите и сериозни разговори, а ова ве прави лош партнер.

Рак

Никогаш не ги браните вашите интереси и ставови.

Вие мразите конфликти и ги избегнувате по секоја цена.

Ова значи дека дури и кога партнерот ќе направи грешка и ќе ве повреди, вие не спомнувате ништо за да избегнете конфликт.

Но, ова акумулирање на негативните чувства само ве тера да чувствувате одбивност кон саканата личност, поради што станувате лош партнер.

Лав

Не можете да му верувате на партнерот.

Иако изгледате како бестрашна личност, вие се соочувате со многу несигурности.

Многупати мислите дека партнерот ве користи, дека не ве сака, дека ќе ве повреди…

За вас е невозможно целосно да му верувате на партнерот, а поради ова страда вашата врска.

Девица

Секогаш одбирате погрешна личност.

Вие настојувате да одбирате партнери на кои им треба некаква помош. Партнери кои имаат многу проблеми, а вие мислите дека ќе можете да им ги решите.

Но, заборавате дека ако некој не сака да си ги реши проблемите, вие нема како да му помогнете.

По неколку неуспешни обиди, почнувате да се чувствувате како негувател на вашиот партнер, па вашиот однос само се влошува.

Терезија

Имате превисоки очекувања од партнерот.

Вие сте грижлива личност и го очекувате истото од партнерот. Но, неретко барате и премногу.

Вие сакате партнер кој може да ви се посвети, но обично сте разочарани бидејќи не го добивате тоа.

Ова, пак, секако, води до караници.

Мора да бидете пореалистични во врска со вашите очекувања ако сакате да бидете добар партнер.

Скорпија

Не знаете како да ја покажете вашата љубов.

Вие никогаш не сакате да покажете ранливост, па некогаш ви е тешко да ја покажете и вашата љубов кон партнерот.

Ова, пак, прави да изгледате незаинтересирано и партнерот почнува да мисли дека не сакате да бидете со него.

Пробајте да бидете поотворени, барем пред луѓето кои знаете дека ве сакаат.

Стрелец

Не вложувате скоро ништо во врската.

Вие сте личност со слободен дух, но токму ова ве прави ужасен партнер.

Бидејќи сте безгрижни, не обрнувате многу внимание на партнерот, а поради ова можете да ја уништите и најстабилната врска.

Ако сакате сериозна врска, мора да се потрудите повеќе.

Јарец

Сакате партнерот да биде совршен.

Вие имате превисоки стандарди и за себе, и за вашите партнери.

Тешко ви е да прифатите дека сите луѓе имаат недостатоци, а кога партнерот ќе почне да ги покажува неговите, постојано му замерувате.

Очекувате партнерот да биде совршена личност без ниту една мана, а ова секако дека ја уништува врската.

Водолија

Ја потценувате интелигенцијата на партнерот.

Кога сте во врска, вие секојпат сте убедени дека сте поинтелигентни од партнерот.

Поради ова, ги потценувате неговите способности, а некогаш дури и го навредувате.

Мора да сфатите дека не сте најпаметната личност и мора да престанете да го омаловажувате партнерот.

Риби

Не можете да се отворите пред партнерот.

Вие мислите дека сте отворена личност, но виситината е дека голем дел од времето минувате сами со вашите мисли.

Во овој случај, вашето мечтаење не е проблем, туку тоа што не споделувате ништо со партнерот.

Имате очекувања и желби поврзани со него, но никогаш не му ги кажувате, па тој не ни знае што мислите.