Верува дека е супериорен\на во однос на останатите, секогаш сака да се истакне по секоја цена и воопшто не се грижи за чувствата на другите…ова се дел од карактеристиките на една нарцисоидна личност.
Ако вашиот партнер е нарцисоиден, на почетокот можеби ќе ви се допадне неговата самодоверба и голема аура. Но со текот на времето, како што врската напредува, ќе сфатите дека таа навидум совршена личност почнува негативно да влијае на вас и вашата самодоверба.
Како да откриете дали сте во врска со нарцис?
Омилена тема за разговор му е … јас сум
Ова е еден од најочигледните знаци дека вашиот партнер е нарцис. Нарцисите не се заинтересирани за разговор на теми кои се поврзани со други луѓе. Тие не се грижат за вас, ниту за вашите чувства.
Тој сака да биде препознаен како посебен и очекува посебен третман
Нарцисистите веруваат дека се подобри од повеќето луѓе. Не само што веруваат дека се посебни, туку сакаат и другите да го знаат тоа. Очекуваат посебен третман, на пример тие заслужуваат скапи подароци, секогаш да се согласувате со неговото мислење и секогаш да биде по негово!
Нарцисот е секогаш жртва
Едно од најпознатите штетни однесувања на нарцисите е нивната идеја дека тие се секогаш жртва во секоја ситуација. Ова е штетно за врската затоа што постојано го драматизираат нивниот начин на живот затоа што тие навистина веруваат дека постојано се омаловажувани или повредени од другите. Веројатно го прават тоа затоа што уживаат во вниманието. Ова е форма на манипулација која можеби е тешко да се препознае, но може многу да ве исцрпи додека се обидувате да го одржите вашиот партнер среќен.
Тој е полн со завист
Поврзани објави
Додека нарцисите мислат дека се посебни, тие се неверојатно завидливи, често се љубоморни типови. Љубомората може да се прошири на работа, имот, пријателства. Тие можат да ве доведат до многу огорчени разговори, каде што се обидуваат да ве убедат дека заслужуваат повеќе од личноста на која ѝ љубоморат.
Нарцисот не е во состојба да сочувствува со вас
Нарцисите не се заинтересирани за чувствата на другите – ако се надевате да зборувате за вашите проблеми, можеби ќе треба да побарате друга личност. Оваа нерамнотежа може да биде многу штетна во врската бидејќи никогаш нема да се чувствувате како да ја добивате поддршката што ја сакате и треба да ја добивате од вашиот партнер.
Тој е арогантен
Ароганцијата е многу груба особина, а ако вашиот партнер е нарцисоиден, често може да забележите и ароганција. Ова може да биде многу непријатно во многу социјални ситуации.
Ниско ниво на емпатија
Нарцисите не покажуваат емпатија кон другите луѓе, многу им е лесно да ги искористат предностите на другите околу нив. Ова може да се види преку емоционална манипулација, измама или употреба на бесрамни лаги.
Тој е драматичен и преемотивен
Ова е уште една карактеристика што може да ја забележите ако вашиот партнер е нарцисоиден тип. Веројатно ќе претера во различни ситуации, што може да создаде проблем, бидејќи никогаш нема да знаете дали навистина се случила вознемирувачка ситуација или тоа е само уште една претерана реакција за да привлече внимание.
Како да „избегате” од нарцисоиден тип?
Најпрво, погрижете се да сте сигурни во вашата одлука, бидејќи партнерот ќе ги испроба сите свои манипулативни тактики за да ве задржи во врската. Да се биде во врска со некој кој прави да се чувствувате лошо, ве манипулира и нема сочувство е психички, емоционално и физички исцрпувачки. Ова е еден од најлошите типови на врски што некогаш можете да ги доживеете, затоа ако воочите дека однесувањето на вашиот партнер одговара на овие описи, соочете се со него, обидете се да разговарате и да промените нешто. Шансите за промена се навистина мали, понекогаш е најдобро да „побегнете” далеку од ваква врска, пред да станете жртва на нарцис.