Нора Шаќири: Јас сум бившата на Здравко Чолиќ! (ВИДЕО)
Дали сте знаеле?
Во новото издание на „Нешто конкретно“ тема е озборувањето. Кој како и зошто озборува? Дали тоа го прават сите, но не признаваат? Постојат ли личности на кои што им годи да ги озборуваат и дали е вистина дека може дури и да се заработи ако некој те озборува?
Сите одговори ги добивме од нашите гости Нора Шаќири Марковиќ, Агнеса Органџиева, фотографот Дарио Јанковиќ и адвокатот Тале Арсов.
Ако претходно најозборувани беа јавните личности, денеска со можностите што ги нудат социјалните мрежи сите се на некој начин на тапет, а со самото „рекламирање“ на животниот стил што го живеат луѓето, автоматски материјалот за да бидат озборувани е поголем.
Нора сподели дека еден од нашите новинари ја направил поранешна девојка на Здравко Чолиќ, а трачот станал толку голем што стигнал до Србија, па Нора лично му се претставила на пејачот и се пошегувала со него дека таа е неговата бивша. Но не сите трачеви можат да бидат прифатени како шега, кога ќе почне да се споменува фамилија, деца тогаш работите стануваат посериозни, а колку често нашите сограѓани тргнуваат правно да ги решат ваквите проблеми ни раскажа адвокатот Тале Арсов.
Поврзани објави
Од друга страна, Агнеса не се потресува многу кога ја озборуваат – „јас заработувам од тоа што ме оговараат, си го полнам џепчето, а ништо не правам“, истакна таа и додаде дека за неа можат што сакаат да зборуваат, но децата не смеат да и ги стават во уста.
Фотографот Дарио Јанковиќ за првпат во нашата емисија зборуваше за политичарот кој што за него зборувал дека е геј – „немам ништо против таа популација, но не сакам за мене да се зборува така, не сум имал потреба да се правдам и да се докажувам дека не сум геј, но ми смета за мене да зборуваат така“, искрено говореше Јанковиќ.
„Ако на оговарачите оговарањето им е храна, ќе ги нахраниме… и ручек и доручек и вечера“, се пошегува Агнеса.
Целото издание од емисијата е веќе достапно на YouTube, погледнете го на нашиот канал и дознајте уште многу пикантерии што гостите ги открија за себе, а и за своите редовни озборувачи
Коментарите се заклучени.