Има многу причини зошто е добро да ја пиете оваа напивка
Копривата е богата со витамини, минерали и лековити материи. Листот од коприва ефикасно ги олеснува ревматичните тегоби, бидејќи значително ја намалува болката при движење и во мирување.
Се препишува за внатрешна употреба како диуретик, бидејќи може да го поттикне отстранувањето на натриум и мочна киселина и да ја олесни состојбата во случај на ревма и артритис.
Исто така, лабораториските испитувања спроведени во Германија во 1999 година покажале дека листовите од коприва имаат силен антивоспалителен ефект. Копривата дејствува и против дијареја и помага за хемороиди. Чајот се користи за измивање на мочните патишта, за спречување создавање песок во бубрезите, за зголемување на количината на урина и за сите воспалителни процеси во телото.
Копривата го снижува и нивото на шеќер во крвта, па затоа се користи во бројни мешавини на чаеви против дијабетес.
Чајот од коприва е добро средство за зајакнување, бидејќи го поттикнува апетитот, го снабдува организмот со железо и успешно дејствува против замор. Во надворешната употреба, копривата се користи за лекување акни, егзема, масна кожа и првут.
Чај од коприва
Состојки:
- 2 лажички листови од коприва
- 250 мл вода
Приготвување:
Свежиот или сушениот лист од коприва прелејте го со врела вода, оставете го да отстои поклопен десет минути, па процедете го.
Примена:
Пијте по една шолја секој ден, а најдобро би било наутро.