Ѓувечот од рерна се приготвува многу лесно, а може да засити пет возрасни лица
Нашиот денешен предлог за ручек е ѓувечот со пилешко месо од рерна.
Состојки:
- 1 кг пилешки батаци и карабатаци
- 3 главици кромид
- 3 поголеми домати
- 3 чешниња лук
- 100 г ориз
- 15 до 20 пиперки
- 1 поголем морков
- масло, сол, сув зачин, бибер
Приготвување:
Добро зачинете го пилешкото месо и оставете го да отстои за да ја впие аромата. Потоа, загрејте масло во тавче па испржете го пилешкото. Додека се пржи пилешкото, исчистете го зеленчукот и исечкајте го ситно, а морковот треба да го изрендате.
Извадете го пилешкото од маслото во посебна чинија, а во маснотиите во кои се пржело месото, динстајте ги кромидот и морковот. Потоа, додајте лук, па домат и пиперки. Откако сè ќе се скрчка, додајте ориз и префрлете сè во огноотпорен сад. Додајте го пилешкото, па ставете го во загреана рерна на 200 степени Целзиусови околу 25 минути.