За жал, неколку светски изведувачи доживеаја непријатност на концертите. Биби Рекс беше погодена во око со мобилен телефон, Ава Макс беше нападната од маж кој се качи на сцената и ѝ удри шлаканица, а Пинк беше стаписана кога некој од публиката фрли на бината кеса со пепелта на починатата мајка. Но една светска ѕвезда уште на почетокот на концертот ѝ се закани на публиката да не ми помислува да замавне кон неа.
Музичката мегаѕвезда Адел веќе неколку месеци одржува концерти во Лас Вегас. Освен што ги изведува своите големи хитови, пејачката често разговара со публиката, ги споделува своите погледи за настаните на Интернет, но и лее солзи со посетителите од публиката кои се подготвени да ја споделат својата тешка животна приказна.
Повеќекратната добитничка на „греми“ по повредата што ја доби Биби Рекс на настапот поради телефонот кој ја удри во пределот на очите и бизарниот чин на концертот на Пинк, на сцената излезе со голем „пиштол“.
Дали сте забележале дека луѓето заборавиле како да се однесуваат на концерти? Луѓето фрлаат с*ање на бината. Го имате видено тоа? Само некој нека се обиде! Штом ќе се обидете да фрлите нешто кон мене, ќе ве убијам, порача Адел и се насмеа.
Пејачката потоа испука бела маичка кон публиката од големиот пластичен пиштол и ги насмеа присутните во салата во Лас Вегас.
Adele talks about concertgoers throwing things at artists:
“I fucking dare you. Dare you to throw something at me and I’ll fucking kill you.” pic.twitter.com/vy680y8ekm
— Pop Crave (@PopCrave) July 4, 2023
Инаку, последниве недели на Твитер се води дебата поради таргетирањето на пејачите, а никому не му е јасно зошто на прво место публиката доаѓа на концерти ако не сака добро да се забавува, туку да им прави проблеми на другит, како и на себе.
Видео: Twitter