Адријана Лима решила да ја доведе својата фигура до совршенство
Адријана Лима со месеци беше на удар на критики поради вишокот килограми по породувањето, а сега решила да се врати во топ-форма.
Лима отсекогаш сакала да спортува, а и за време на бременоста редовно вежбала со помош на советите од лекарите. Своите здрави навики често ги споделува на социјалните мрежи, а сега имавме можност да ја видиме нејзината моментална окупација: прескокнување јаже.
Тоа ѝ ги зголемува кардиоваскуларните и атлетските способности кои придонесуваат за побрзо губење масти и подобро тонирање на телото. Ваквите тренинзи ѝ се приоритет и најмногу ги прави бидејќи верува дека ја поштедиле од вишокот килограми по првите две бремености.
Експертите тврдат дека оваа вежба е еден од најделотворните тренинзи за слабеење.
Поврзани објави
Истражувањата покажуваат дека активностите со висок интензитет, како што е прескокнувањето јаже, имаат важна улога во одржувањето на физичката кондиција, губењето масни наслаги и целулит, позитивно влијаат врз целата здравствена состојба, па дури и врз расположението и психичката стабилност кај луѓето.
Прескокнувањето јаже е активност што им се препорачува на сите – и на децата и на професионалните спортисти, на кои јажето им е неизоставен дел од тренингот. Вклучете го во редовниот тренинг и ќе видите колку ќе ви годи.
Придобивки од прескокнувањето јаже
- Евтино е
- Прескокнувањето јаже е одлична вежба за слабеење
- Секогаш можете да го понесете јажето со себе и да вежбате
- Не е потребно многу простор, а ни време
- Ја намалува можноста од појава на повреди
- Ги зајакнува, обликува и тонира мускулите на целото тело
- Го зајакнува кардиоваскуларниот и респираторниот систем
- Позитивно влијае врз мозочните функции
- Го подобрува расположението