Одличен десерт со лешник
Состојки:
За кората:
- 6 белки
- 150 г шеќер
- 200 г мелени печени лешници
- 1 лажица екстра бело брашно тип 400 на „Жито лукс“
За филот:
- 6 жолчки
- 80 г шеќер
- 250 г маскарпоне-сирење
- 200 г лешников крем
- 500 мл слатка павлака
- 200 г чоколадни наполитанки
За премачкување:
- 250 мл слатка павлака
- 80 г млечно чоколадо
Поврзани објави
Приготвување:
1. За приготвување на кората, белките се матат во цврст снег, постепено додавајќи шеќер. Мелените печени лешници се мешаат со екстра белото брашно тип 400 на „Жито лукс“ и со маталка се матат во снег.
2. Плех од 30 х 25 см се обложува со хартија за печење и во него се става смесата за кората. Се израмнува со шпатула и се пече во загреана рерна на 180°Ц, околу 20 минути.
3. За приготвувањето на фолот, жолчките се матат со шеќерот, па се варат на пареа, со непрекинато мешање, додека се добие светла и густа смеса. Се остава да се олади, па се додаваат маскарпоне-сирењето и лешниковиот крем, па добро се меша.
4. Слатката павлака се мати во шлаг, па со црпалка се додава во смесата за филот. На крајот се додаваат издробените чоколадни наполитанки и се меша. Смесата се истура преку кората и се израмнува.
5. Посебно се приготвува кремот за премачкување. Во тенџерче се загрева 100 мл слатка павлака, па се прелева преку млечното чоколадо и се меша додека се растопи. Преостанатата слатка павлака се мати во шлаг, па се додава во оладената смеса од чоколадо и се миксира. Се премачкува преку филот и се остава во фрижидер да се зацврсти.
Извор: Добра храна