Ако сакате јагоди, задолжително пригответе го овој џем за да уживате во вкусот на ова овошје и во текот на зимата
Состојки:
- 450 г свежи јагоди
- 1 шолја шеќер
- 1 лимон (исцедете го сокот)
Приготвување:
Добро измијте ги јагодите и исчистете ги петелките, а потоа ставете ги во сад и внимателно згмечете ги со виљушка.
Ставете помало тенџере на шпорет да се загрее малку, па додајте ги јагодите, шеќерот и лимоновиот сок. Мешајте додека зовријат јагодите и шеќерот се стопи, потоа намалете ја температурата и оставете го полека да се крчка додека ја добиете посакуваната густина на џемот.
Оставете го џемот да се олади, па сипете го во стерилизирани теглички.
Чувајте го во фрижидер.