Сигурно досега сте ги испробале тиквичките на сто начина, но еве уште еден предлог со кој ќе откриете нова димензија на омилениот летен зеленчук
Состојки:
- 2 шолји изрендани тиквички
- 1 шолја рендан компир
- 1 јајце
- 1 лажица сечкан магдонос
- 1 лажица рендана кора од лимон
- 1 лажица презла
- 1 лажица путер
- 2 лажици кисела павлака
- сол, бибер
Приготвување:
1. Изренданите тиквички и компир оставете ги барем половина час да пуштат вода, добро исцедете ги и посолете ги.
2. Скршете јајце, додајте магдонос и кора од лимон. Зачинете со бибер и сол по вкус.
Поврзани објави
3. Измешајте ги тиквичките и компирот и додајте малку презла. Потоа, додајте изматено јајце и сето тоа добро измешајте го.
4. Добро загрејте тавче и ставете путер. Ставете лажица од мешавината со тиквички на врел путер и истапкајте со шпатула.
5. Печете ги палачинките додека добијат боја, па превртете ги и повторете го тоа со другата страна.
6. Послужете ги додека се топли со кисела павлака или сос по желба.
Добар апетит!