Тијана Дапчевиќ открива како го симна ВИШОКОТ: „Успеав за нецели четири месеци да ослабам 15 килограми“

Кога во медиумите одекна веста дека Тијана Дапчевиќ ослабела 45 кг, многумина помислија дека ѝ се заканува анорексија. Но со првите фотографии на нејзиното ново, вито тело, следуваше и нејзината шеговита изјава:

Да ослабев толку, половина ќе ме немаше!“

Тијана подоцна откри како го симнала вишокот, а нам ни се довери дека се чувствува здраво и полетно и дека продолжува да се движи по тој пат.

КАКО И КОГА ОДЛУЧИВТЕ ДА ГО СМЕНИТЕ НАЧИНОТ НА ИСХРАНА? КОЛКУ ТОЧНО КИЛОГРАМИ СИМНАВТЕ И ЗА КОЛКУ ВРЕМЕ?

Се одлучив на тоа кога увидов дека не се чувствувам добро во мојата кожа, како и дека не ме собира во некои парчиња. Сакав да инвестирам во здравјето, да ја урамнотежам исхраната и да вклучам физичка активност – и успеав за нецели четири месеци да ослабам 15 килограми.

ДАЛИ ВАШИОТ НАЧИН НА ИСХРАНА БИ ГО НАРЕКЛЕ ДИЕТА? НА ШТО СЕ ТЕМЕЛАТ ВАШИТЕ ОБРОЦИ?

Не станува збор за диета, туку за начин на живот, за промена на навиките. Исхраната ми се темели на урамнотежени оброци пропишани од страна на нутриционистка. Имам четири оброци на ден, јадам доста овошје и зеленчук, малку месо, двапати неделно консумирам риба, никогаш не сум гладна, бидејќи јадам сè освен одредени намирници што ми пречат.

Го исфрлив тестото од исхраната и сама правам леб од интегрално брашно. Не јадам слатки, а од млечни производи консумирам само младо сирење.

ДАЛИ ГО СМЕНИВТЕ КОЛИЧЕСТВОТО НА ОБРОЦИТЕ ВО ОДНОС НА ПОРАНО? ИЛИ САМО ГИ ЗАМЕНИВТЕ НАМИРНИЦИТЕ?

Малку се коригира и количеството на оброците. Сега најважен ми е појадокот, а порано никогаш не јадев пред 14 часот.

ШТО НЕ ЈАДЕТЕ НИКОГАШ, А КОИ НАМИРНИЦИ ГИ КОНСУМИРАТЕ СО ЗАДОВОЛСТВО?

Никогаш не јадам пача, а најчесто избирам сезонско овошје и зеленчук.

КАДЕ КУПУВАТЕ ОВОШЈЕ И ЗЕЛЕНЧУК?

Имам среќа што често доаѓам во Скопје кај моите, а бидејќи татко ми сам одгледува овошје и зеленчук, благодарение на неговата безрезервна љубов кон градината во која ништо не е прскано, дома секогаш имам свежи плодови.

Исто така, често одиме и во Сомбор, кај родителите на Милан, од каде што се снабдуваме со домашни производи, здрави и непрскани… Купувам и на локалниот пазар, каде што знам точно која баба има свежи продукти…

КАКО СЕ ЧУВСТВУВАТЕ ОТКАКО ОСЛАБЕВТЕ?

Се чувствувам одлично, прекрасно, здраво, полетно и среќно.

 

БИДЕЈЌИ СТЕ ПОБОРНИК НА ХОМЕОПАТИЈА, ДАЛИ СМЕТАТЕ ДЕКА СЕВКУПНОТО ЗДРАВЈЕ ВИ Е ПОДОБРЕНО ОТКАКО ПРЕМИНАВТЕ НА НОВИОТ РЕЖИМ НА ИСХРАНА?

Ми се подобри во голема мера! На пример, спијам многу помирно, што е мошне важно.

ЗЕМАТЕ ЛИ СУПЛЕМЕНТИ?

Веќе неколку години се дружам со прекрасни и здрави суплементи и презадоволна сум – и не само јас туку и моите блиски.

ДАЛИ ГОТВИТЕ САМИ ДОМА? ДАЛИ ПРИГОТВУВАТЕ ПОСЕБНИ ОБРОЦИ ЗА СЕБЕ ИЛИ СИТЕ ЈАДЕТЕ ЗДРАВО ДОМА?

Готвам јас, а готви и Милан – мошне често и вкусно. Сите се навикнавме на рецептите на нутриционистката и сите јадеме исто.

Разговарала: Надежда Јокиќ

Фото: Андреја Дамњановиќ