Парфемот на Анџелина Џоли не е само мирис – тоа е изјава за стил, став и карактер.
Холивудската дива, која со години беше заштитно лице на престижни парфемски брендови, во приватниот живот му останува верна на еден единствен мирис веќе повеќе од 16 години – избор што совршено ја отсликува нејзината комплексна личност, на границата меѓу елеганцијата и бунтовноста.
Иако јавноста често ги поврзува светските ѕвезди со мирисите што ги рекламираат на гламурозни билборди, реалноста е поинаква. Зад милионските договори, славните жени неретко избираат сосема различни парфеми за секојдневна употреба.
Анџелина Џоли отсекогаш била искрена во тој поглед, а нејзината мирисна приказна е еднакво интригантна како и нејзиниот живот.
Од „суров“ чај до цветна елеганција
Низ годините, нејзините омилени мириси се менувале. Во еден период, нејзин заштитен знак бил „Bvlgari Black“ – контроверзна композиција со интензивни ноти на чајот лапсанг сушонг, која многумина ја опишувале како мирис на чад и катран. Подоцна, таа стана заштитно лице на „Mon Guerlain“, мирис создаден како омаж на нејзината мајка, со препознатливи ноти на лаванда, јасмин и сандалово дрво.
Поврзани објави
Сепак, еден друг парфем ја носи титулата нејзин апсолутен фаворит веќе повеќе од една и пол деценија. Станува збор за култниот „1969 Parfum de Révolte“ од нишниот француски бренд „Histoires de Parfums“. Неговиот креатор, Жералд Жислен, бил инспириран од крајот на шеесеттите години – ера на револуција, слобода и рушење на општествените табуа.
За жена како Анџелина, чиј имиџ отсекогаш се движи помеѓу софистицираноста и бунтот, овој мирис претставува природно продолжение на нејзината личност.
Луксуз што е достапен
Она што дополнително изненадува е фактот дека овој „ѕвезден“ мирис не е недостижен. За разлика од многу парфеми поврзани со славните, кои чинат вистинско богатство, „Histoires de Parfums“ останува релативно достапен за љубителите на квалитетни мириси. За шише од 60 милилитри потребно е да се издвојат околу 100 евра – цена што за ваков карактер и трајност се смета за разумна инвестиција.
Овој парфем не го преплавува просторот, туку создава суптилна, мистериозна аура околу оној што го носи. Токму како и самата Анџелина Џоли – остава впечаток што долго се памети, но бара да ѝ се приближите за целосно да ја разберете.
Фото: Инстаграм