Речено – сторено: Еве зошто Хоакин Финикс носи теле во рацете (ВИДЕО)

Годинешниот добитник на „оскар“ за главна машка улога, актерот Хоакин Финикс (45) ја посети кланицата „Manning Beef” во Калифорнија и разговарал со директорот Ентони Ди Мариа за начинот на кој се третираат животните и целата индустрија.

Актерот, кој воедно е веган и голем поборник за заштита на правата на животните, по трогателниот говор на Оскарите, кажаното го спровел во дело. Тој и директорот на кланицата разговарале за производството на месо и за третманот на животните.

По разговорот, Финикс си заминал со крава и со нејзиното теле, кои ги спасил од страшната судбина. Актерот се погрижил двете животни да бидат сместени на фарма.