Потресна исповед на една од најплатените холивудски актерки: „Чувствував како ми се доближува смртта“
Шарлиз Терон отворено за кокаинските кризи и депресијата
Шарлиз Терон (43), која е една од најплатените холивудски актерки и заработува 10 милиони евра по филм, во интервјуто за магазинот „Мари Клер“ отворено зборува за борбата со кокаинот, алкохолот, депресијата и опсесивно-компулсивното нарушување.
Во 20-тите години од животот бев дива и сакав да пробам сè. Консумирав кокаин, екстази, марихуана. Меѓутоа, во еден миг не можев да станам од фотелјата, бев неподвижна, исфатив дека веќе не оди вака. Посакав повторно да живеам со полни гради, да го прошетам светот, на пример, да ја пропешачам Турција со само ранец на грбот, што и направив. Не сакав да жалам за пропуштените можности кога ќе остарам“, раскажува актерката во интервјуто.
Поврзани објави
Оскаровката раскажа и дека за време на честите кокаински кризи имала впечаток дека животниот часовник ѝ отчукува.
Чувствував како да немам време за сè, дека времето ми истекува и дека смртта наближува.“
А токму смртта, и тоа на нејзиниот татко, ѝ го обележи детството. Родена е на 7 август 1975 година во Јужноавриканска Република. Пораснала на семејната фарма со мајка си Герда, со германско потекло, и татка си Шарл, со француско потекло, човек со тежок карактер, алкохоличар, кој со години ја злоставувал својата сопруга. Герда се обидувала на ќерка си да ѝ овозможи колку-толку нормално детство и настојувала да ја заштити од насилниот татко. Кога Шарлиз имала 15 години, Герда го убила сопругот во самоодбрана, а девојчето било сведок на убиството.