Навики што можат да го нарушат вашиот квалитетен сон

Ако сте од оние кои имаат проблеми со спиењето, тоа може да се должи на некои навики кои можеби не ги перцепирате како нездрави, но кои сепак негативно влијаат на квалитетот на спиењето. Издвоивме пет што можете да се обидете да ги промените денес.

Без оброци пред спиење и полноќни закуски

Храната, особено јаглехидратите, иако можат да бидат седативни на почетокот, имаат негативен ефект врз сонот. Тие го активираат метаболизмот, телото се загрева додека вари, наместо да ја намалат температурата за да се подготви за спиење. Значи, најдоброто нешто што можеме да го направиме за нас – да јадеме неколку часа пред спиење (и да заборавиме на чипсовите пред ТВ).

Заборавете на алкохолот и кофеинот пред спиење

Алкохолот може да влијае на РЕМ фазата на спиење и будење во текот на ноќта, а ваквиот слаб сон може да придонесе за емоционална чувствителност и раздразливост следниот ден (како со мамурлак). Кофеинот што се наоѓа во кафето, темниот чај и енергетските пијалаци трае 5-7 часа за да излезе од телото, затоа уживајте во омиленото кафе порано во текот на денот и испијте чаша билен чај, камилица, лаванда или валеријана пред да одите во кревет.

Дали сакате да заспвате на каучот?

Иако „дремката“ на каучот е најслатка, кога ќе се разбудиме подоцна и ќе си легнеме, телото е будно и тешко дека повторно ќе заспиеме толку слатко. На крајот на краиштата, експертите се согласуваат дека не треба да гледаме на екраните барем еден час пред спиење – прочитајте ја следната точка.

Исклучете ги мобилниот телефон и телевизорот

Ако гледаме новости, социјални мрежи и содржини што нè интересираат пред спиење, нашиот мозок ќе ги процесира дури и откако ќе ги исклучиме мобилните телефони. Барем еден час пред спиење треба да му дадеме на нашето тело можност да се релаксира, што значи – исклучете ги сите екрани. И како тоа да не е доволно причина, сината светлина на екранот може негативно да влијае на видот и да го забрза стареењето на кожата. Препорачуваме медитација и релаксација пред спиење.

Прочитајте и: Дали ви треба пауза од социјалните мрежи?

ФОТО: Getty Images