Кристен Стјуард призна: „Те мразат ако се декларираш како лезбејка, а јас само сакам да уживам во животот“
Иако за својата сексуалност зборуваше повеќе пати досега, Кристен Стјуард за „Харперс базар“ откри дека токму поради тоа што е лезбејка веќе не добива големи и главни улоги.
Ми кажаа: Ако ти е важна кариерата, направи си услуга и не се појавувај во јавност држејќи се за рака со својата девојка. Ако постапиш вака, сигурно ќе добиеш улога во Марвел. Не сакам да соработувам со такви луѓе“, откри популарната актерка.
Таа додаде дека уживањето во животот и’ е поважно од каква било улога.
Поврзани објави
Едноставно, сакам да уживам во животот. За жал, во обидот да ја заштитам својата приватност јас, всушност, се запустив. Што значи сето ова? Да не можеш да излезеш со лицето со кое си во врска? Да не можеш да зборуваш за тоа во интервјуата? Постојано ми велеа дека, ако сакам да ги зачувам кариерата и славата, мора да внимавам на се’. И тоа само затоа што постојат луѓе што не те сакаат, кои не сакаат ако си жена која е во врска со друга жена и на кои не им се допаѓа ако се декларираш како лезбејка, а ти од друга страна не можеш да се дефинираш како хетеросексуалка“, изјави ѕвездата на серијалот „Полноќна сага“.
Фото: Инстаграм, Guliver/Getty Images