Сите ние чија работа подразбира повеќечасовно седење многу добро знаеме како влијае врз нашиот ‘рбет. Што да преземеме?
За да не го виткаме грбот, висината на масата и на столчето треба да бидат приспособени така што лактите да можеме да ги спуштиме на масата под агол од 90 степени.
Исто така, и нозете треба да ни бидат поставени на подот под агол од 90 степени. Ова е важно за нормална циркулација низ долниот дел на ‘рбетот и во екстремитетите. Столчето мора да биде приспособливо и не заборавајте да станувате и да шетате секој половина час.
Горниот дел на мониторот треба да биде 5-6 см над нивото на очите. Тест? Отворете ја почетната страница на пребарувачот Гугл и доколку логото е во висина на вашите очи – тоа е тоа!
Поврзани објави
Важна е и тастатурата. Погрижете се да биде ергономска. Во спротивно ви се заканува појава на карпален синдром.
На работната маса мора да имате и ламба, која добро ќе осветлува кога работите со документи. Сместете ја подалеку од мониторот за да не прави рефлексија на екранот.
Текст: Ѓурѓа Станишева
Фото: Getty Images