Формула што ќе ви олесни да се држите до сите цели што сакате да ги постигнете оваа година
Новата година често носи со себе нови одлуки и нови обрасци на однесување кои честопати се многу тешки за усвојување и кои обично остануваат само букви на дневникот што не ги ни гледаме повеќе.
За да избегнете „заборавање“ на новогодишните резолуции, здравствениот тренер и експерт за медитација Пилин Анис следи три чекори за спроведување одлуките на дело.
Минатата година беше страшно тешка за многумина од нас и полна со траума што не може да се лекува лесно и брзо. Затоа, не заборавајте дека не треба да се присилувате на нови одлуки, нови начини на однесување и нови навики“, нагласи Пилин. Но за сите оние кои сè уште сакаат да тргнат по нов пат во новата година – постои формула во три чекори што ќе ви олесни да ги постигнете целите.
Пронајдете инспирација
Додека повеќето нови одлуки доаѓаат од мотивација, Пилин вели дека е подобро подножје да се има инспирација. Инспирацијата не доаѓа и не треба да доаѓа кај нас само среде големи и магични патувања, чудесни настани, средби со посебни луѓе или во моменти на голема болка и очај. Инспирацијата може да ја црпите од најобичните моменти, од повлекување до осаменост, пишување дневник или креирање табла за цели. Едноставно, повлечете се во осаменост и запрашајте се: „Што ме инспирира и ме придвижува?“, „Што ме прави среќен и возбуден?“. Одговорите сигурно ќе ги најдете во себе и врз основа на нив ќе ги поддржите вашите одлуки, при кои потоа ќе ви биде полесно да се држите.
Преземете акција
Поврзани објави
Откако ќе ја пронајдете инспирацијата што ќе ви даде сила да работите – направете распоред до кој ќе се држите. Без распоред, нема акција. Без разлика дали работите на вашата цел еднаш неделно, двапати неделно или еднаш дневно – запишете го вашиот распоред и држете се до него. Исто така, не заборавајте да славите најмала победа. Секоја промена е важна.
Сочувствувајте со себеси
Бидете нежни кон себе и не заборавајте дека е потребно време да се изградат нови навики. Ништо не се случува преку ноќ, и ако некогаш ви се случи да не следите слепо од она што сте го испланирале, не казнувајте се, туку надоместете го кога можете. Неколку дена ќе ви треба одмор и мир, а некои денови ќе работите повеќе отколку што сакате. Не заборавајте дека падовите се исто така дел од процесот, а не само подеми.
Прочитајте и: 3 совети за пооптимистичко размислување и попозитивен поглед на животот
ФОТО: Getty Images