Ешли Греам: „Често ме прашуваат како успевам да тежам над 90 кг и да ‘пукам’ од самодоверба“

Најпопуларната плус-сајз моделка во светот, Ешли Греам (33), врз сопствен пример ни покажа дека е можно да се разбијат табуа и предрасуди кога станува збор за физичката убавина.

Манекенката, која минатата година го роди своето прво дете со сопругот Џастин – синот Исак, со години гласно зборува за самодовербата на жените и прифаќањето на сите свои маани и доблести, а неодамна и во интервју за „Гламур“.

 

View this post on Instagram

 

A post shared by A S H L E Y G R A H A M (@ashleygraham)

Ешли призна дека не ѝ било лесно постојано да се соочува со одбивање, но дека со текот на времето сфатила дека токму таа има сила да ги смени работите.

Кога започнав да живеам во Њујорк, постојано ми велеа дека не сум доволно добра, па се свртев кон мајка ми и ѝ реков дека ќе се вратам во Небраска. Таа ми рече во тоа време да не се предавам само затоа што некој би сакал мојот изглед да се промени, а истовремено дека јас можам со мојот изглед да променам нечиј живот. Тогаш не разбирав целосно што сакаше да каже со тоа, но сега знам. Моето тело го смени начинот на размислување на модната индустрија и ме научи дека можам да правам што сакам се’ додека правам работи што ме прават да се чувствувам добро и што носат позитивни промени“, вели таа.

Греам исто така посочува дека светот е полн со луѓе кои веруваат дека не се доволно добри и убави, а за тоа виновни се совршените, најчесто обработени фотографии на жени на социјалните мрежи.

Многу работи денес имаат врска со трансформацијата во нешто што дефинитивно не сте“, коментира Ешли, која се осврна и на фактот дека живееме во свет кој е опседнат со етикетирање на другите.