Докажано е дека медитацијата го намалува стресот, а овој вид медитација лесно може да ја практикува секој
Иако медитацијата привлекува сè поголем број луѓе, голем број од нив се откажуваат уште на самиот почеток мислејќи дека тоа е практика што може да ја совладаат само оние кои се смирени и спиритуализирани.
За некои видови на медитација потребни се вештини, кои не се стекнуваат преку ноќ, туку со редовно вежбање. Но, постојат и типови на медитации кои не бараат многу и кои можат да ги практикуваат скоро сите.
Една од нив е трансцендентална медитација (ТМ), што е нерелигиозна научна пракса, докажано дека го намалува стресот, вознемиреноста и го регулира нивото на шеќер во крвта. ТМ се здоби со популарност во 60-тите години на минатиот век, кога беше воведена во САД од страна на индискиот гуру и физичар Махариши Махеш Јоги. Она што ја издвојува ТМ од другите медитативни практики е техника која не бара длабока концентрација, контрола на умот или фокус на одредени делови од телото или дишење.
Како да практикувате ТМ и како тоа влијае на една личност?
За оваа практика на медитација, потребно е да се издвојат помеѓу 15 и 20 минути двапати на ден. Сè што треба да направите е да:
Поврзани објави
- Изберете мантра што ќе ја повторувате
- Пронајдете пријатна позиција
- Затворете ги очите и направете неколку длабоки вдишувања
- Отворете ги очите и затворете ги повторно и држете ги затворени до крај
- Дишете од дијафрагмата
- Нека мислите течат природно
- Повторете ја мантрата по секоја мисла (реченица)
- По 20 минути, полека движете ги прстите и рацете
- Отвори ги очите
- По неколку минути продолжете со денот
Оваа практика можете да ја совладате сами или со наставник, и ако немате можност да ја научите од наставникот, сами можете да изберете мантра за медитација. Мантра може да биде слог (на пример, „ом“), збор (како „Јас сум“, „Јас живеам“, „Сакам“) и повеќе зборови (како „слобода“, „решение“, „љубов“) . Спроведени се стотици студии, чии резултати покажаа дека ТМ има корисен ефект врз човечкото физичко и ментално здравје. Редовната практика на ТМ го подобрува квалитетот на спиењето, ја ублажува болката, ја зголемува самодовербата, ја подобрува концентрацијата, го намалува нивото на анксиозност и стрес, го регулира нивото на гликоза во крвта, па дури и ги намалува симптомите во менопаузата.
Прочитајте и: Ново истражување донесе список на дневни активности кои водат кон поисполнет и посреќен живот
ФОТО: Unsplash