Чек-листа: Што слуша, гледа и чита презентерот Спасе Јовановски во слободно време?

Во слободно време познатиот презентер на временска прогноза Спасе Јовановски (@rolladobolla) ужива во храна за умот и за душата. Погледнете, прочитајте, слушнете, испробајте!

Корисна апликација

Во последно време зависен сум од апликацијата Samsung Video Edit Pro, која е вметната во самиот телефон и ми помага во обработувањето на видеата и фотографиите што ги правам за инстаграм-профилот на Лила Филиповска.

Во чекор со трендовите

За да гледаш серии, треба да имаш навистина многу слободно време, а јас работам по 12 часа дневно. Но можам да кажам дека следам трендови, па ми се допаднаа La Casa de Papel, Lucifer, Elite… Со месеци сум заинтересиран за киропрактика, па поминувам часови гледајќи видеа на Јутјуб од светски познатиот киропрактичар Бо Хајтауер. Можеби за некоја година ќе го усовршам овој занает, па ќе „пукам коски“ 🙂

Што слушате?

Од прва го препорачувам албумот на Бијонсе Lemonade, кој ми стигна со потпис директно од Америка. А за песни, има многу, но од нашата естрада би ја одбрал „Некогаш ќе помине“ од Лара, а од странските Before You Go на Луис Капалди.

 

Дали сте за трилер?

Нема утка кога се работи за Лиам Нисон, па така е и со неговиот најнов филм Honest Thief. Не би сакал да откривам многу, само ќе кажам дека човек е подготвен на сè кога станува збор за љубовта.

Време за себе

Книгата „Клубот 5 наутро“ од Робин Шарма ја купив поради насловот, бидејќи јас станувам во 5 часот за на работа. Откако ќе ја прочитате, ќе сфатите колку треба да ја цените секоја минута и како максимално даго искористувате денот служејќи се со тактики на мудри луѓе. Од таму научив дека првиот час кога ќе се разбудите, треба да си го посветите само на себе, во тишина, по можност со убаво кафе, чај или вода со лимон.

ФОТО: ПРИВАТНА АРХИВА, ИНСТАГРАМ, SCANRAIL/PABLO CUADRA/STRINGER/GETTY IMAGES VIA GULIVER