Во последно време, има сè повеќе начини на кои луѓето се обидуваат да се справат со стигматизацијата на менталните болести и луѓето со душевни болести и емоционални тешкотии.
Но, и покрај ова, оваа осуда и желба да се карактеризираат оние кои бараат помош како „луди“, сè уште се чувствуваат. Барањето стручна помош во никој случај не е лошо. Тоа е знак дека сакате да ги промените работите на подобро и дека сакате да си го олесните и разубавите животот. Пред да ги наведеме знаците дека навистина ви е потребна помош од специјалист, сакаме да знаете дека нема „мали трагедии“ или чувства кои не се доволно тешки за кој било вид на терапија. Не заборавајте дека сите ние сме различни и дека различни луѓе различно се справуваат со исти или слични трагедии и тешки периоди од животот.
Се чувствувате како да не сте свои
Чувството на тага, лутина, бес или безнадежност, кои не можете да ги контролирате, може да бидат знаци дека имате проблем со менталното здравје. Не трупајте емоции во себе. Ако сметате дека едноставно сте премногу и дека не можете сами да се справите со вашите емоции, побарајте помош од експерт.
Консумирате алкохол, дрога, храна или секс за да се чувствувате подобро
Луѓето честопати не се свесни дека користат лоши алатки за да поминат низ тешки чувства или животни периоди. Ако пиете премногу, земате дрога, внесувате прекумерни количини храна или се впуштате во сексуални односи за да излезете од лоша состојба, побарајте помош.
Сте изгубиле нешто или некој важен во животот
Смртта на сакана личност, разводот, раскинувањето на долга врска и отпуштањето од работа – сето тоа може да биде загуба што го превртува животот на луѓето за еден ден. Доколку некоја загуба ве спречи да живеете нормално, консултирајте се со специјалист и започнете ја препорачаната терапија.
Поврзани објави
Доживеавте траума
Траума како што се силување, семејно насилство или љубовна врска, хронично заболување со кое не можете да се справите и кој било друг настан што создал емоции кај вас со кои не можете да се справите – се причини да се обратите кај експерти. Некои работи едноставно е невозможно да се поминат без помош.
Немате желба за работи што порано ве правеа среќни
Ако се чувствувате апатично, ако запоставувате луѓе, хоби и активности што некогаш сте ги обожавале, можеби ќе ви треба помош и некаква терапија.
Пред да се исплашите од зборот „терапија“, знајте дека тоа не се однесува само на лекови пропишани од психијатри. Постојат различни видови на терапии, а разговорот е исто така еден од нив. Не срамете се да побарате помош кога чувствувате дека ви треба.
Прочитајте и: Како да ги надминете стравовите еднаш засекогаш?
ФОТО: Unsplash