„Кажу да време, време лечи све, ал шта ми врeди вечност без тебе”… се стиховите од рефренот на последната отпеана песна од нашата единствена и најголема македонска музичка ѕвезда Тоше Проески.
„Kажу да време лечи све” е насловот на песната која се чинеше дека можеби никогаш нема да ја здогледа светлината на денот. Но со помош на вештачката интелигенција, извадени се вокалот и пијаното од демото за да се направи студиска снимка.
Затоа токму сега, во овој момент, по толку многу години од смртта на Тоше Проески песната ќе доживее свое издание. Оставена како аманет на еден од ретките вистински пријатели кој што Тоше ги имаше во нсвојот живот- нашиот познат радиоводител, диџеј и продуцент Кирил Зарлинов, попознат како (диџеј Ерик Фокс).
Тој одлучува демо-снимката комплетно аранжмански да ја заврши и да ја даде како подарок од Тоше за сите негови обожаватели по повод неговиот роденден за да не бидат заборавени неговиот лик и дело – никогаш!
Првата демо-снимка е направена во септември 2004 година во домашното студио на Кирил.
Автор на музиката и текстот е Зоран Ѓорѓевиќ, а аражманот и продукцијата се на Кирил Зарлинов (диџеј Ерик Фокс).
Миксот и мастерингот се на нашиот познат микс-инженер, кој долги години живее и работи во САД, Костадин Камчев – Студио Моцарт од Њу Џерси, кој има три номинации на музичките награди „греми“ за најдобар микс-инженер.
Поврзани објави
Голема благодарност до целата екипа кои што несебично помогна во реализацијата на песната; Давор Јордановски, Дарко Тасев, Иле Спасев, Јован Јованов и Александар Тасиќ од Лесковац. Посебна благодарност до Александар Трајковски кој што ја донесе песната во Македонија и му ја понуди на Тоше”– изјави Кирил.
За спотот се погрижи екипата на Студио 351 од Кавадарци, светски познати по изработката на лирикс-видеа за најголемите светски ѕвезди, како Аријана Гранде, Дејвид Гета, Ед Ширан и многу други.
Најголема благодарност до семејството на Тоше за неизмерната поддршка во овој проект.
Момчето „љубов”, момчето „енергија” пред 43 години дојде на овој свет и со својата магија во гласот, харизма, шарм, скромност, добрина и хуманост успеа да допре до милиони срца и разубави стотици детски животи.
Дали времето лечи се’? Се чини дека времето никогаш не излечило ништо, само човек едноставно се навикнува да живее со таа болка. Ние останува да живееме со неговата музика, која буди силни емоции, да бидеме горди на неговите музички достигнувања и остварувања, да ги следиме неговите хумани дела и имаме одговорност да го чуваме и негуваме споменот за него.
Тоше – Те сакаме сите!
Коментарите се заклучени.