Се хранеше здраво, сама готвеше и сепак се разболе: Еве што јадеше Кејт Мидлтон пред да ѝ биде дијагностициран карциномот

Принцезата Кејт Мидлтон по операцијата на абдоменот во јануари открила дека има рак. Сопругата на принцот Вилијам отсекогаш водела здрав живот, се занимавала со спорт. Нејзината исхрана била здрава и урамнотежена, па сите се прашуваат како на принцезата ѝ се влошила здравствената состојба.

Витата става на принцезата беше на завидно ниво и по трите бремености, па токму нејзината исхрана најчесто предизвикуваше љубопитност. Токму затоа најгугланата диета во кралското семејство е нејзината, дури 55.000 пребарувања годишно низ светот.

Според она што е познато за нивната секојдневна исхрана, Кејт и нејзиното семејство сакаат да јадат различни хранливи, вкусни оброци, а принцезата, наводно, го готви поголемиот дел од јадењата сама дома и ги вклучува и своите деца во процесот на приготвувањето храна, на пример во правењето тестенини или пица.

За почеток на денот, Кејт приготвува хранлив и енергичен појадок како овесна каша, која е богата со протеини, влакна и јаглехидрати. Овесот не само што  е познат по своите својства за намалување на холестеролот, туку го подобрува и здравјето на цревата и контролата на шеќерот во крвта, па Кејт обезбедува неколку здравствени придобивки со оваа утринска храна.

Плус, за да го постигне својот блескав сјај, војвотката го зголемува внесот на антиоксиданти со тоа што консумира домашно смути. Познато е дека Кејт сака да меша кељ, спанаќ, зелена салата, спирулина (вид алга) и боровинки. Смутито е богато со хранливи материи и антиоксиданси.

Како што одминува денот, Кејт продолжува да јаде храна богата со антиоксиданси, внимавајќи да вклучи многу свежи состојки во нејзиниот ручек. Салатата од лубеница со авокадо, кромид, краставица и фета-сирење наводно е еден од нејзините најчести оброци.

И иако не е вегетаријанка, Кејт претпочита да јаде претежно вегетаријански јадења за ручек, а омилени ѝ се раженчиња од зеленчук и кари од леќа. Всушност, за време на нејзината кралската турнеја низ Индија во 2016 година, готвачот Рагу Деора, кој им приготвувал храна на Кејт и Вилијам, откри:

Сите оброци се вегетаријански, бидејќи ми кажаа дека претпочитаат такви.

Кејт ја изрази и својата наклонетост кон маслинките. За време на нејзината посета на лондонската болница „Грејт Ормонд Стрит“ во 2018 година, таа му кажа на еден пациент:

И јас јадев многу, многу маслинки кога бев мала.

Кејт рече дека маслинките се една од омилените намирници и на нејзината ќерка Шарлот.

Додека Кејт избира полесни опции за појадок и ручек, се знае дека нејзините вечери се позначајни. А за војвотката тоа значи дека ќе зготви нешто традиционално и вкусно.

Навечер му се препушта на своето хоби да ја готви омилената вечера на Вилијам, печено пилешко – изјавила Кејти Никол, кралска дописничка за „Венити фер“ во 2012 година.

Кејт, исто така, во минатото изјави дека често готви оброци со своите деца, како домашна пица и тестенини. А кога не ужива во домашно зготвен оброк во палатата Кенсингтон, војвотката сака да јаде суши.