Патувањето без придружник е понекогаш всушност најдобриот начин за патување затоа што ќе можете да уживате во дестинацијата во мир, да видите што ве интересира и да го сторите тоа како што сметате дека е соодветно.
Покрај тоа што е полесно да се организираме, соло патувањата ни овозможуваат да го следиме нашиот внатрешен компас и да уживаме во нештата што нè исполнуваат како индивидуи, без потреба да се прилагодуваме на другите.
Соло патувањата се одлична можност да запознаеме нови места, култури и луѓе, но и ние самите. Тие градат самодоверба, нè охрабруваат да научиме да се потпираме на себеси и да излеземе од нашата комфорт зона. Тие нè прават подобри и оставаат многу спомени што ќе нè придружуваат до крајот на животот. Навистина вреди да се осмелите да патувате сами.
Ви ги откриваме идеалните дестинации за соло патување:
Маурициус
Убавината на овој мал остров источно од Мадагаскар го натера познатиот писател Марк Твен да го опише рајот само како копија на тој славен остров. Долги песочни плажи и чисто море е рецепт за идеален одмор од стресот и проблемите во секојдневниот живот. За време на паузите од одмор, вреди да се истражува егзотичната ботаничка градина „Pamplemousses” во Порт Луис или да се гледа традиционален танц наречен сега, и да се заврши денот со гледање на зајдисонцето од една од плажите на западната страна на островот.
Торонто
Поврзани објави
Канаѓаните се сметаат за исклучително драг и љубезен народ, и сите во Торонто се чувствуваат добредојдени. Тој е град во кој не треба да се плашите од осаменост, бидејќи е идеално место за создавање нови познаници од кои некои можат да траат цел живот. Со нови пријатели, можете да гледате хокеј на мраз или заедно да го посетите најголемиот водопад во светот, водопадите Нијагара, кој се наоѓа на само 90 минути од Торонто.
Дубаи
Постојат градови каде што се прават совршени фотографии на секој агол. Дубаи е еден од тие градови и затоа вреди да се посети без придружба. На тој начин никој нема да ве брза или негодува кога многу фотографирате. Познатите обележја на градот вклучуваат највисоката зграда во светот Бурџ Калифа, Бурџ ал Араб и фонтана на Дубаи, но Дубаи исто така нуди и неколку различни атракции што можат да окупираат соло патници со часови. Возењето во дрвен чамец „абри” преку потокот – историското срце на Дубаи и посета на соуковите – традиционалните пазари во стариот град ќе обезбедат многу агли потребни за совршени фотографии, но исто така ќе им помогне на посетителите да чувствуваат дека се во допир со арапската традиција. Посета на музеи низ градот или аквариумот во Дубаи, сместен во трговскиот центар Дубаи, се места каде што може да се направат прекрасни фотографии, но и спомени за цел живот.
Нов Зеланд
Посетата на Кристчрч во Нов Зеланд е рај за сите авантуристи. Скокање со банџи, рафтинг, гледање китови, планински велосипедизам и возење балон со топла воздух се само некои активности што можете да ги пробате таму. Ако, по адреналински активности, се заморите, за разгледување се достапни импресивни гејзери.
Прочитајте и: Луксузни апартмани само за 18 евра, вили во Дубровник со базен за 30 евра од ноќ
ФОТО: Pexels