Нови детали за смртоносното пукање на Болдвин: Повредениот режисер опиша што се случило! (ФОТО)
На актерот му бил даден сценски пиштол и му било кажано дека не е наполнет, навеле властите во Санта Фе во судските документи.
Алек Болдвин вежбал извлекување револвер од футрола, па потоа го вперил во камерата за време на пробата на сет за филмот „Rust“ и испукал и ја погодил кинематографката во градите, се наведува во писмениот извештај на суд, објавен во неделата.
Таа изјава под заклетва дава дополнителни детали за случајното пукање минатиот четврток во Ново Мексико, кога е убиена 42-годишната Халина Хачинс и ранет е режисерот Џоел Соуза, пренесува агенцијата Ројтерс.
На Болдвин му било дадено сценски пиштол и му било кажано дека не е наполнет, наведуваат властите во Санта Фе во судските документи.
Поврзани објави
Џоел изјавил дека Алек седел на клупата за снимање во импровизираната црква и дека вежбал извлекување на пиштолот. Џоел кажал дека гледал преку рамото на Хачинс, кога слушнал удар, а потоа и гласно пукање – се наведува во изјавата.
Хачинс тогаш била погодена во пределот на градите, се наведува во документите.
Џоел тогаш нејасно се сеќава дека Хачинс се жалела на болки во стомакот и се фатила за неговиот среден дел. Џоел исто така кажал дека Хачинс започнала да се тетерави наназад и дека паднала на земја – стои во изјавата.
Халина Хачинс кажала дека не ги чуствува нозете, изјавил Рид Расел, камерман кој стоел покрај неа за време на пукањето.