Класичните средства за хигиена и за нега во функција на убавината

Практични совети

Ви откриваме неколку трикови што ќе ви го олеснат процесот на разубавување.

1 Четкичка за заби.

Користете ја за…

… корекција на фризурата. Со нејзина помош втријте гел во линијата на растот на косата.

… пилинг. Намокрете ја четкичката и истријте ги усните.

… нанесување маска за лице. Но прво измешајте ги состојките на маската.

… чешлање веѓи. Попрскајте ја четкичката со лак за коса!

… бојадисување веѓи. Четкичката потопете ја во боја за коса, па исчешлајте ги веѓите.

… покривање седи влакна. Седите влакна прекријте ги со сенка за очи чија боја одговара на бојата на вашата коса.

… фиксирање на маскарата. Со четкичката решете ги грутките и залепените трепки.

… отстранување дамки од боја за коса. Четкичката натопете ја во шампон и нежно тријте ја кожата по должина на линијата растот на косата.

… миење заби: Најмалку двапати дневно!

2 Вазелин. Може да послужи за…

… поголем сјај на очите. Втријте малку вазелин преку сенка за очи – или на чисти капаци.

… поцврсти трепки. Втријте вазелин во трепките и во веѓите пред спиење.

… хидрирање на усните. Во текот на целиот ден!

… заштита на кожата при бојадисување на косата. Нанесете го во должина на линијата на растот на косата.

… смекнување испукани петици. Богато намачкајте ги стапалата пред спиење, облечете чорапи и соблечете ги наутро.

… сјај на образите. Втријте малку вазелин во јаболчниците.

… нега на нокти. Измасирајте ги заноктиците во вазелин.

… намалување на иритацијата на кожата на носот за време на настинка. Вазелинот е најефикасен во вакви ситуации.

… сјај на усните. Користете вазелин наместо липбалм.

3 Памучно стапче за уши.

Пробајте да…

… ја поправите шминката. Стапчето потопете го во млеко за лице и отстранете ја размачканата шминка.

… креирате „мачкини очи”. Со стапчето повлечете линија по горниот капак па – нагоре.

… ја ублажите линијата на поцртаните усни. Со стапчето поминете над повлечената линија.

… ја ублажите линијата од ајлајнерот. Применете ја истата постапка како за усните.

… ги закамуфлирате подочниците. Втријте малку коректор под очите.

… ги закамуфлирате акните. Над слој коректор, со стапчето нанесете малку прав-пудра.

… заштедете. Со стапчето од кутивчето соберете ги остатоците од крем за лице или од некој друг скап препарат. Секој денар е важен!

Текст: Н. Човиновска

Фото: Guliver/Getty Images

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време