Момците од „Балкан бенд“ испишаа историја: „А бре, Македонче“ ќе ечи на секое парче на земјата каде што има Македонец! (ВИДЕО)

Ремек-дело!

Вчеравечер во ресторанот Ragusa 360 – Rooftop се одржа спектакуларна промоција на уште една во низата народни песни кои ќе го обединат македонскиот народ.

Балкан бенд“ го промовираа најновиот музички проект насловен како „А бре, Македонче“. Зад ова музичко парче што ќе остане за навек, како аранжер се потпишува Дарко Илиевски, а мастерот е дело на Дејан Момироски. Спотот е направен под режиската палка на маестралниот Даниел Јовески.

Домаќин на вечерта беше легендарниот Игор Џамбазов, кој со своето присуство ѝ даде посебна нота на целата промоција.

Момците од „Балкан бенд“ на промоцијата со огромно задоволство открија дека ова е најскапиот музички проект кој се случил во Македонија во последните 10-на години.

„Ова што го гледате и слушате вечерва како финален производ, го подготвувавме од 2018-та година и сме пресреќни што конечно ја споделуваме со вас „А бре, Македонче“ и горди сме што ѝ оставаме еден траен белег на Македонија“, рекоа момците од „Балкан бенд“ на промоцијата.

На промоцијата на „А бре, Македонче“, почит им оддадоа многу познати имиња од македонскиот шоу бизнис. Водители, пејачи, медиуми, инфлуенсери, беа само дел од публиката на промовирањето на „А бре, Македонче“, во срцето на Скопје.

Реакциите за спотот и песната се и повеќе од одлични, а доказ за тоа се и бројот на прегледи на Јутјуб, каде за само неколку часа има скоро 15.000 отварања.

Да не должиме многу, слушнете, уживајте и споделете на вашите социјални мрежи…

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.