Пејачката без двоумење проговори за феноменот на младиот изведувач и изборот на денешната младина
Пејачката Марија Шерифовиќ даде краток но директен коментар за младиот пејач Јаков Јозиновиќ, кој во последниот период стана еден од најголемите музички феномени во регионот. Нејзината изјава предизвика внимание поради искреноста и специфичниот тон со кој зборуваше за новите генерации и нивните музички избори.
Јозиновиќ ја стекна популарноста преку објавување обработки на поп рок класици на Тик Ток, а и покрај тоа што има само една авторска песна, денес полни сали и арени низ целиот регион. Публиката ја освои со спонтаност и емоционални интерпретации на песни од легендарни изведувачи како Здравко Чолиќ, Ѓорѓе Балашевиќ и Оливер Драгојевиќ, што му донесе верна публика и статус на музички феномен.
Поврзани објави
На прашањето за него, Шерифовиќ најпрво низ смеа одговори дека не мисли ништо, но потоа го дообјасни својот став. Таа истакна дека ѝ е драго што младите луѓе, кои според неа денес често немаат вистински идоли, успеале да се пронајдат во музика што ја создавале постарите генерации изведувачи.
Пејачката додаде дека ја радува фактот што младата публика избира квалитетна и емотивна музика наместо негативни пораки кои често доминираат на сцената. Според неа, тоа е доказ дека добрата музика нема возраст и дека искрената емоција секогаш ќе најде пат до публиката.
Printscreen You Tube/AmiG Show