Социјалните мрежи се преполни со совршени фотографии од плажа – внимателно избрани пози, беспрекорни агли и кадри што изгледаат како од моден магазин. Но инфлуенсерката Султана Малинкова одлучи да покаже дека реалноста најчесто изгледа сосема поинаку – и токму затоа ги насмеа своите следбеници.
Султана, која на јавноста ѝ е позната и како ќерка на македонската пејачка Наташа Малинкова, со години е активна на Инстаграм и ТикТок, каде што објавува содржини од секојдневниот живот, модата, патувањата и забавните моменти со пријателите.
Овојпат, преку инстаграм-стори, таа сподели фотографија што многумина ја нарекоа „најреалната летна објава“.
„Јас и мојата другарка по планот да направиме естетска фотографија на плажата“
Наместо совршено наместени пози и романтични кадри покрај морето, Султана со многу хумор покажа дека зад секоја „естетска“ фотографија најчесто се крие вистински хаос.
Јас и мојата другарка по планот да направиме естетска фотографија на плажата“, напиша таа, алудирајќи дека реалноста воопшто не одговара на првичната замисла.
И токму во тоа се препознаа нејзините следбеници.
Во време кога социјалните мрежи честопати прикажуваат само совршени моменти, ваквата самоиронија и искреност предизвикаа бројни позитивни реакции. Многумина во коментарите се пошегуваа дека „вака изгледаат 99 проценти од сите обиди за совршена фотографија“, а само една фотографија завршува на профилите.
Фото: Инстаграм
Поврзани објави