Еврин Аласија ја освои публиката со улогата на Кивилџим Арслан во хит-серијата „Шербет од брусница“, а нејзиниот животен пат е исполнет со интересни детали – од ритмичка гимнастика до големи актерски улоги.
Еврин Аласија е една од најпрепознатливите турски актерки во моментов, а кај македонската публика стана омилена благодарение на улогата на Кивилџим Арслан во серијата „Шербет од брусница“. Нејзината елеганција, силниот карактер и специфичната појава ја издвојуваат од останатите актери на турската сцена.
Родена е на 2 август 1979 година во Измир, Турција, како Муге Еврин Аласија. Дипломирала театарски студии на Универзитетот „Докуз Ејлул“, а уште од мала покажувала талент за спорт и уметност. Како дете се занимавала со ритмичка гимнастика и настапувала на национални и меѓународни натпревари.
Нејзината актерска кариера започнала во 1999 година во детскиот театар „Пинар“, а подоцна се преселила во Истанбул каде продолжила со актерска работа. Првите телевизиски појавувања ги имала со помали улоги, но вниманието на јавноста го привлече со сериите „Величествениот век“ и „Ќерките на Ѓунеш“.
View this post on Instagram
Поврзани објави
Поголем успех постигна со улогите во сериите „Црвена соба“ и „Скорпија“, а денес е дел од екипата на популарната серија „Шербет од брусница“. На социјалните мрежи ја следат повеќе од половина милион луѓе, каде често споделува моменти од приватниот и професионалниот живот.
Еврин Аласија со години гради успешна кариера и покажува дека талентот, дисциплината и различноста се клучот за траен успех. Нејзината улога како Кивилџим ѝ донесе нова популарност и кај гледачите надвор од Турција.
printskrin instagram