Сите годинешни добитници на Оскари: Првпат во историјата победи филм што не е од англиско говорно подрачје!
Список на наградените
Најдобра актерка е Рене Зелвегер, а титулата најдобар актер отиде во рацете на познатиот Џокер
Филмот „Паразит“ на режисерот Бонг Џун-Хоа го освои Оскарот за најдобар филм. Ова е првпат во историјата главната награда на американската Академија за филмски уметности и науки да ја добие странски филм.
„Паразит“ доби уште три Оскари: најдобра режија, најдобар странски филм и најдобро оригинално сценарио.
https://www.instagram.com/p/B8YxdpJHMF1/
Во филмот се работи за нееднаквостите меѓу богатите и сиромашните слоеви на корејското општество, преку две поврзани семејства. Членовите на сиромашното четиричлено семејство со помош на сплетки се вовлекуваат во богатото семејство, претставувајќи се како меѓусебно неповрзани и високо квалификувани поединци, кои се инфилтрираат во домот и се заплеткуваат во неочекувани инциденти.
Наградата за најдобар актер на 92. доделување Оскари ја добил Хоакин Финикс за улогата во „Џокер“, а најдобра актерка е Рене Зелвегер за улогата на Џуди Гарланд. Оскари за споредни улоги добија Бред Пит и Лора Дерн.
https://www.instagram.com/p/B8YoEQRHptv/
Список на добитници на „оскари“
Најдобар филм: „Паразит“
Главна машка улога: Хоакин Финикс („Џокер“)
Главна женска улога: Рене Зелвегер („Џуди“)
Споредна машка улога: Бред Пит („Си беше еднаш во Холивуд“)
Споредна женска улога: Лора Дерн („Брачна приказна“)
Режија: Бонг Џун Хо („Паразит“)
Оригинално сценарио: „Паразит“ (Бонг Џун Хо, Хан Џин Вон)
Адаптирано сценарио: „Зајакот Џоџо“ (Таика Ваитити)
Странски филм: „Паразит“ (Јужна Кореја)
Фотографија: „1917“
Монтажа: „Форд против Ферари“
Сценографија: „Си беше еднаш во Холивуд“
Костимографија: „Малите жени“
Шминка: „Тие се бомби“
Оригинална музика: „Џокер“ (Хилдур Гуонадотир)
Оригинална песна: „(I’m Gonna) Love Me Again“ („Рокетмен“/Елтон Џон)
Звук: „1917“
Монтажа на звук: „Форд против Ферари“
Визуелни ефекти: „1917“
Анимиран филм: „Приказна за играчките 4“
Документарен филм: „Американска фабрика“
Краткометражен документарен филм: „Учејќи да возиш скејтборд во воена зона (ако си девојче)“
Краткометражен игран филм: „Прозорецот на соседот“