Синди има направено најмногу естетски операции на светот: Го држи Гинисовиот рекорд, а ништо не се забележува на неа!
Неверојатно!
Оваа дама има 66 години, а сакала само едно нешто – да изгледа комплетно природно!
Синди Џексон (66) од Америка е запишана во Гинисовата на рекорди како личност со најмногу пластични операции во историјата! Досега имала повеќе од 50, верувале или не! Денес работи како советник за антиејџ-пластична хирургија и има напишано две книги за тоа.
Со таквите зафати и корекции сакала да ја нагласи својата природна убавина, а не целосно да ги промени лицето и телото. Иако била многу убава, тоа не ѝ било доволно. Сакала на другите да им застане здивот кога ќе ја видат!
Оваа Американка вложила повеќе од 100.000 долари во естетски зафати, меѓу кои се 14 операции и многу сечење, затегнување и подигнување на кожата. Синди има правено и ботокс, пет пати правела лифтинг на лицето и липосукција, а два пати ги средувала очите.
„Не ми беше целта да поставам нов светски рекорд, само сакав да направам одредени зафати“, истакнала Синди во една пригода.
Нагласила дека го направила сето тоа само за да се чувствува подобро во сопствената кожа.
„За мене, најдобриот резултат е кога некој изгледа природно. Никогаш не би сакала да застане некој, да се загледа во мене и да каже: ‘таа жена правела многу операции’. Никогаш не би сакала да изгледам како да сум правела нешто на себе“, вели Синди.
Пораснала во гратчето Охајо, со татко кој имал многу тежок карактер и со недостиг од самодоверба.
Поврзани објави
И сега се сеќава на коментарот од еден дечко, кој многу влијаел врз неа: „Знаеш, Синди, кога ќе се насмееш, од страна изгледа како носот и брадата речиси да ти се спојуваат“.
„Се чувствував како да сум во погрешно тело, со погрешно лице и многу сакав да го променам тоа“, рекла таа.
Нејзината трансформација почнала по смртта на татко ѝ, со парите што ѝ ги оставил. Единствената желба ѝ била да изгледа убаво и младо.
Открила дека била внимателна, сакала да оди полека. Таа дури и направила естетски зафат на дланките. Вбризгала инјекција што го поттикнува производството на колаген во рацете и така ги подмладува.
„Направив сé за да изгледам помладо, да изгледам подобро, но рацете ме изневерија. Имав изразени вени и лигаменти , а сега воопшто не се гледаат“, објаснила таа.
Таа истакнала и дека средовечните луѓе во 40-тите, 50-тите и 60-тите години не мора да изгледаат како нивните родители, бидејќи денес сé е возможно.
„Тоа е еволуција. Тоа е медицински напредок“, порачала Синди.