Утринската програма „Ја сакам Македонија“ на ТВ Сител утрово се претвори во вистинска сцена на емоции, смеа и искрени прегратки – и тоа во живо, пред очите на илјадници гледачи!
Водителката на омиленото утринско шоу, Јована Стојменовиќ, ни најмалку не насетуваше дека токму таа ќе стане главната ѕвезда на денешната емисија. Додека професионално и со насмевка го најавуваше линковското вклучување на својот колега Никола Станков, сценариото ненадејно доби сосема поинаков тек.
Наместо очекуваното јавување, во кадар влезе нејзиниот ко-водител, Александар Блажевски – со балони во рацете и роденденска тортичка со запалена свеќичка! Очекувано, Јована остана затекната, со насмевка на лицето.
Среќен роденден, драга колешке!“, изговори Александар со широка насмевка, додека целата екипа зад камерите ја бодреше својата колешка.
Специјален прилог со зборови што допираат до срцето
Но изненадувањето не заврши тука.
Веднаш по честитката во живо, на екраните почна специјално подготвен прилог – внимателно монтиран видеоколаж од страна на Кирил Стојанов и преостанатите членови на редакцијата, со најтопли и најискрени зборови ја опишуваа Јована како:
-
професионалец,
-
човек со огромно срце,
-
енергија што го движи тимот,
-
насмевка што го разубавува секое утро.
Јована внимателно го следеше прилогот, видливо трогната, не криејќи ја емоцијата. На крајот, со глас што малку ѝ затрепери, им се заблагодари на колегите за љубовта, поддршката.
View this post on Instagram
Телевизија со срце
Овој искрен и спонтан момент уште еднаш покажа дека зад камерите на „Ја сакам Македонија“ не стои само професионален тим, туку вистинско семејство. Роденденското изненадување за Јована Стојменовиќ беше потсетник дека најубавите телевизиски моменти се оние што не можат да се режираат – туку се случуваат од срце.
А гледачите? Тие утрово не добија само програма, туку и доказ дека телевизијата сè уште знае да биде топла, човечна и искрена.
Текст: Убавина и здравје
Видео: Инстаграм
Поврзани објави