„Сакам лето 365 дена во годината!“ Нина Ред со жешки фотографии од одморот ги воодушеви следбениците

Нина Ред повторно успеа да го привлече вниманието на своите следбеници, овој пат со серија фотографии од летниот одмор, на кои позира во друштво на еден од најпознатите светски диџеи – турскиот музички продуцент Махмуд Орхан.

Сакам лето 365 дена во годината и мармаладот до мене!“, напиша Нина покрај објавата, а токму овој опис, заедно со фотографиите на кои насмеана позира со авторот на светскиот хит Feel, предизвика вистинска лавина реакции.

Следбениците веднаш почнаа да коментираат, воодушевени што водителката на „Ресет“ има можност да поминува време со еден од најбараните електронски музичари, чии настапи редовно собираат десетици илјади посетители ширум светот.

На фотографиите владее опуштена летна атмосфера – сонце, базен, насмевки и добро расположение. Нина блеска во впечатлива летна комбинација, додека Махмуд Орхан е во своето препознатливо лежерно издание, а нивните заеднички фотографии за кусо време собраа стотици реакции и комплименти.

Иако не открива повеќе детали за нивната средба, објавата доволно ја разбуди љубопитноста кај нејзината публика. Дел од следбениците се пошегуваа дека „ова е фотографија што никој не ја очекуваше“, додека други коментираа дека Нина „живее лето од соништата“.

Нина Ред веќе подолго време важи за една од највлијателните македонски инфлуенсерки, препознатлива по својот моден стил, патувањата и динамичниот животен ритам. Преку своите профили на социјалните мрежи редовно споделува моменти од приватниот живот, професионалните ангажмани и патувањата, а секоја нејзина објава привлекува големо внимание.

Со најновите фотографии уште еднаш покажа дека летото е нејзиното омилено годишно време. А судејќи според насмевката и атмосферата на фотографиите со Махмуд Орхан, ова патување ќе остане едно од оние што долго ќе се паметат.

Фото: Инстаграм