Профемина 2021: Колку се корисни добрите бактерии – дознавме од втората студија на случај #cleaneating

Погледнете како помина!

Заврши втората студија на случај поддржана од BioGaia

По кратката пауза, „Профемина 2021“ можеше да продолжи со втората студија на случај со наслов: #cleaneating поддржана од BioGaia.

Модераторката Јована Стојменовиќ ги покани на сцената учесничките:  м-р Ана Антовска, нутриционистка во клиничката болница „Аџибадем Систина“ и Верица Ристовска, бренд-менаџерка на BioGaia.

Разговорот се водеше во насока на тоа колку се корисни добрите бактерии и која е врската меѓу здравјето, имунитетот, убавината и пробиотиците.

Ана Антовска ја потенцира важноста на внесувањето свежа и органска храна, како и на пробиотските суплементи.

Дали преку исхраната може да се внесе потребната количина на пробиотици?“, праша Јована Стојменовиќ, а Антовска објасни дека важен е сојот на бактериите што ги содржи храната и потенцира дека ако сакаме да бидеме потполно сигурни во количината на пробиотици што ја внесуваме, треба да се земаат и во форма на суплементи, како што е  BioGaia.

Верица Ристовска дополни дека овој суплемент треба да се користи континуирано за да се превенираат гастроинтестинални нарушувања и други здравствени проблеми, а ги запозна посетителите и со новитетите на овој бренд.

Потоа, Антовска нагласи и колку е важно бремените жени редовно да земаат пробиотици за здравјето на плодот.

Убаво е секоја бремена жена да започне со земање суплементација на пробиотик и тоа да се случува две години од почетокот на животот на детето, особено ако посетува градинки. Внесувањето пробиотик од најрана возраст е исклучително значајно.“

Дуењето на стомакот е уште еден од проблемите што беа опфатени во рамките на оваа студија на случај.

Стресот е нашиот најголем непријател, а дуењето најчесто се случува поради нарушена функција на дебелото црево. Тоа се јавува како последица, пред се’, на внесувањето млечни производи (со исклучок на козјите) и глутен. Им препорачувам на сите присутни во салата да користат пробиотици за да го зачуваат здравјето на дигестивниот систем и на целиот организам“, порача нутриционистката.

Студијата на случај беше заокружена со извлекувањето на среќните добитници на производи од познатиот бренд Revalid.

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време