Денешната љубов не е само чувство – таа е наука која ретко кој навистина ја разбира. Зошто повторно ги бираме истите партнери? Зошто во секоја врска се повторуваат тишината, недоразбирањата и конфликтите? И што навистина значи да сакаш – без страв, без борба, со мир во себе?
На деветтото по ред издание на регионалната конференција за жени Профемина 2025, од Белград пристигнува една од најстручните личности во психологијата на партнерските односи – Јелена Станивуковиќ, магистер по клиничка психологија и психотерапија, RE&KBT психотерапевт, хипнотерапевт и коосновач на Институтот Beautiful Minds.
Со повеќе од 15 години искуство во работата со парови и поединци, Јелена ги преточила своите сознанија во книга што го менува начинот на кој ја доживуваме љубовта – „Партнерологија“. Во неа, таа открива како да ги препознаеме несвесните обрасци кои ги саботираат нашите односи и како да изградиме љубов што трае, полна со доверба, блискост и мир.
На Профемина 2025, Јелена ќе ги сподели своите искуства и практични алатки кои можат да ги примените веднаш – без разлика дали сте во брак, врска или сè уште сте слободни.
На конференцијата, учесниците ќе имаат можност да научат како да создадат здрави и трајни љубовни односи, како да ги надминат стравовите и несигурностите кои влијаат на нивните врски, и како да изградат самодоверба која ќе им овозможи да привлекуваат позитивни партнери.
„Партнерологија“ не е само теоретски концепт, туку практичен водич кој им помага на луѓето да создадат љубов која трае. Преку ова гостување, Јелена ќе сподели стратегии кои ќе им овозможат на учесниците да ги променат своите љубовни обрасци и да изградат здрави и исполнети односи.
Не пропуштајте ја оваа уникатна можност да научите од една од најистакнатите стручњаци во регионот и да започнете патување кон подобра љубовна врска. Регистрирајте се сега и осигурајте си место на „Профемина 2025“.
Поврзани објави
Зошто да присуствувате?
-
Ако постојано ги повторувате истите грешки во љубовта.
-
Ако сакате да го разберете својот партнер и да создадете поцврсти врски.
-
Ако сакате да научите како да ги менувате старите несвесни обрасци и да ја привлечете вистинската љубов.
Клучните цели на „Партнерологија“:
✔️ Помалку конфликти и недоразбирања
✔️ Подлабока емотивна блискост
✔️ Појасен избор на партнер
✔️ Мир и стабилност во секојдневниот живот
✔️ Самодоверба и подготвеност за нови врски
✔️ Љубов што трае
📅 Профемина 2025 се одржува на 23.10, во „Холидеј Ин“, од 09.30 – 17.30 часот.
🎟️ Регистрирајте се и осигурете го своето бесплатно место на инстаграм-профилот на ubavinaizdravje.mk.
Не пропуштајте ја можноста да ја слушнете Јелена Станивуковиќ – психологот што ја претвори науката во јазик на љубовта.
Текст: Убавина и здравје