OnePlus и „Комтрејд“ склучија партнерство во Северна Македонија за да обезбедат најдобро искуство со OnePlus на повеќе корисници

Глобалната технолошка компанија OnePlus и Комтрејд, локален дистрибутер во Северна Македонија во рамките на Comtrade Distribution, денес го објавија своето партнерство за презентирање на паметните телефони OnePlus во Северна Македонија.

Паметните телефони на OnePlus ќе се најдат во дистрибутивната мрежа на Комтрејд во повеќе од 30 малопродажни објекти низ земјата.

Од 2013 година, OnePlus започна со мисија да лансира водечки паметни телефони и понуди најдобро искуство во користење на мобилни телефони на светско ниво.

Минатата година, OnePlus, ја прошири својата линија на уреди со сериите OnePlus Nord и OnePlus Nord N и започна со уште пошироко креирање на најдобрите уреди со подобрено корисничко искуство од среден опсег.

На овој начин, својата технологија ја направи достапна за поголем број корисници на глобално ниво.

Во палетата на уреди предводник е серијата OnePlus 9, тоа е најнапредниот смартфон досега што нуди исклучително искуство во употребата на камерата преку системот Hasselblad Camera for Mobile, брзи екрани за освежување на новата генерација и технологија за брзо безжично полнење што ги надминува жичните решенија за полнење на конкуренцијата.

Производната линија Nord беше лансирана во јули 2020 година како прв чекор на глобалната стратегија за диверзификација на OnePlus остварувајќи ја целта за поголема достапност на уредите. Најновите додатоци во составот на Nord се OnePlus Nord CE 5G. Овој модел е изграден врз основните аспекти на искуството на Nord со што обезбедува моќни карактеристики по подостапна цена.

Покрај тоа Nord 2 5G носи низа новитети засновани на AI карактеристиките, дизајнирани за да го подобрат корисничкото искуство и да понудат сè што може да побарате.

Од април 2014 година, кога беше лансиран првиот OnePlus One, растечката заедница на OnePlus претставува камен-темелник на успехот. Во моментов, заедницата на OnePlus брои повеќе од 10 милиони членови ширум светот, а над 3 милиони корисници од Европа се регистрирани на oneplus.com.

OnePlus објави силен почеток на 2021 година, со значителен скок на продажбата од 388% и раст на приходите од 286% во првиот квартал од 2021 година, во споредба со истиот квартал минатата година.
Овој раст во голема мерка беше управуван од главната линија на паметни телефони, придонесувајќи со 65% од вкупните приходи, вклучувајќи ја и неодамна лансираната серија OnePlus 9.

Северна Европа се појави како најголем придонесувач во приходите на регионот, со придонес над 30%.

„Комтрејд“, со својата силна локална позиција како дистрибутер во Северна Македонија, ќе овозможи достапност на уредите преку водечките продажни места и телекомуникациските оператори.

За „Комтрејд“
Комтрејд е дел од Comtrade Distribution, која е една од трите главни столба на Comtrade Group што постои повеќе од 30 години со огромно искуство во иновации и со континуиран развој на компанијата. Оваа компанија е една од водечките дистрибутери во регионот на Југоисточна Европа во областа на ИТ, потрошувачката електроника и дистрибуција на мобилни телефони.

Компанијата опфаќа петнаесет различни пазари со повеќе од 75 милиони потенцијални потрошувачи. Компанијата ги дистрибуира своите производи преку широка продажна мрежа која вклучува над 3 000 продавачи што ја покриваат секоја продажна вертикала низ целиот регион.

„Комтрејд“, преку соработката со OnePlus, го збогатува своето портфолио на продажба и обезбедува поголема достапност на уредите на OnePlus познати во светот како високо квалификувани уреди со одлични перформанси и квалитет.

За повеќе информации за уредите на OnePlus, продажните места, достапните модели и
цената, контактирајте нè преку е-пошта: SalesMakedonija@comtrade.com

За OnePlus
OnePlus е глобална компанија за мобилна технологија која ги предизвикува концептите на конвенционална технологија. OnePlus создава извонредно дизајнирани уреди со врвен квалитет, изработка и хардвер со високи перформанси.

OnePlus успева
да негува силни врски и да расте заедно со својата заедница на корисници и
обожаватели.

За повеќе информации, посетете ја OnePlus.com.

Текст и фото: PR