Вчера арената „Борис Трајковски“ беше исполнета до последно место за големиот концерт на Јован Јованов и Елвир Мекиќ, музички настан кој ги обедини генерациите преку хитовите што оставија силен печат на домашната музичка сцена.
Покрај Јован и Елвир, на сцената настапија и нивните долгогодишни соработници и пријатели – Тони Зен, Адријан Гаџа, Маја Саздановска, Пајак и Врчак. Заедничките изведби и добро познатите песни предизвикаа вистинска ерупција од емоции кај публиката, која во текот на целата вечер пееше во еден глас.
Поврзани објави
Концертот беше повеќе од музички настан – беше патување низ спомените и потсетник на периодот кога овие хитови владееја на музичките листи. Атмосферата беше исполнета со позитивна енергија, а секоја песна носеше нов бран носталгија и аплаузи.
Вечерта уште еднаш потврди дека добрата музика не познава време и дека песните на овие артисти и денес имаат посебно место во срцата на публиката.