Ни принцевите не се совршени сопрузи: Принцот Вилијам призна грешка што Кејт никогаш нема да му ја прости
Војводата од Кембриџ откри симпатична приказна во интервју за „BBC Five Live” во подкаст на славниот фудбалер Питер Крауч. Тој призна дека не бил во право кога избрал подарок за својата сопруга во една прилика, а симпатичниот момент од емисијата се раскажува низ целиот свет.
Додека разговараа за различни теми, признанието на принцот Вилијам се случи без непотребно соопштение, што ги натера сите да се смеат. Поранешниот репрезентативец на Англија, Питер Крауч, откри дека пред три години ѝ купил на својата сопруга Аби Клинс кабаница и тоа не поминало добро, а потоа принцот Вилијам се ослободи доволно и рече. „Еднаш купив двоглед за мојата сопруга и таа никогаш нема да го заборави тоа“, рече идниот крал.
„Јас дури и го завиткав подарокот во украсна хартија и навистина изгледаше добро. По нејзината рамнодушна реакција, се обидов да ја убедам дека тоа е одличен подарок, но не успеав. Искрено, не знам зошто воопшто го купив за неа”, рече принцот со насмевка.
Во април 2020 година, принцот Вилијам и Кејт ја прославија својата деветта годишнина од свадбата. Тие се запознаа во 2001 година како студенти.
Поврзани објави
Вереничкиот прстен со кој Вилијам ја запроси Кејт Мидлтон во 2011 година еднаш припаѓаше на неговата мајка, саканата принцеза Дајана. Прстенот е направен од четиринаесет дијаманти околу дванаесет каратен сафир во средина.
„Тој прстен е посебен за мене. Тоа беше начин мојата мајка да биде присутна со мене на тој посебен ден, но и во текот на целиот наш заеднички живот”, кажа во една прилика емотивниот принц.
Шоуто за БиБиСи Пет се снимаше во два дела, првото беше снимено во Кенсингтон во март, а ова е нејзино продолжение. Шоуто ја промовира кампањата „Head Up“ што ја започна принцот Вилијам и е посветена на подигање на свеста за важноста на борбата за ментално здравје. Англиската фудбалска асоцијација исто така се вклучи во кампањата.