На принцот Вилијам му е забранета ОВАА работа што за сите нас е нормална и вообичаена: Истото правило ќе важи и за Џорџ!

Луѓето најчесто си мислат дека животот во кралското семејство е многу гламурозен, но ретко кој знае дека припадниците на кралството мораат да почитуваат одредени строги правила, па неретко се соочуваат со бројни ограничувања и не им е дозволено да прават сè што ќе посакаат. Престолонаследниците особено се наоѓаат во центарот на вниманието. Така, и на принцот Џорџ за неполни две години ќе му биде забранета една работа, што нам ни се чини сосема вообичаена.

За време на разговорот во подкастот A Right Royal, поранешниот пилот на кралот Чарлс, Греам Лори, зборувал за важно правило што принцот Вилијам морал да почне да го почитува од 1994 година, кога имал само 12 години.

„Интересно, но со авион ги превезувавме сите четворица, принцот, принцезата, принцовите Вилијам и Хари, сè додека принцот Вилијам наполни 12 години. Потоа, тој мораше да лета со посебен авион. Кога Вилијам наполни 12 години, тој леташе во 125 од Нортхолт, а ние летавме во 146 со преостанатите тројца“, раскажал тој.

Иако авионските несреќи денес ретко се случуваат, три кралски членови претходно го имаат изгубено животот во токму такви несреќи. Сестрата на принцот Филип, принцезата Сесил, загинала во несреќа во 1937 година, вујкото на кралицата, принцот Џорџ, војводата од Кент, починал во 1942 година, а нивниот роднина, принцот Вилијам од Глоустер, загинал додека се натпреварувал во аеромитинг во 1972 година.

Имено, кога станува збор за патувања во странство, постојат низа важни правила за заштита на кралот и преостанатите членови на неговото семејство, а некои од нив сигурно ќе ве изненадат и растажат.

На пример, тие секогаш мораат да носат свои алкохолни пијалаци за да ја одбегнат можноста некој да ги отруе, секогаш пакуваат црна облека во случај да мораат итно да се вратат назад поради нечија смрт, а постои уште едно важно правило, чија цел е да ја сочува монархијата.

Ова правило постои за да се заштитат наследниците на престолот. Иако правилото може да се прекрши со дозвола од монархот, не е препорачливо да има два или повеќе наследници на тронот во истиот авион, поради можноста за несреќа.

Моментално, на принцот Вилијам му е дозволено да лета со своите деца Џорџ, Шарлот и Луис, бидејќи тие се мали, но наскоро и тоа ќе се промени.

Многумина се прашуваат зошто принцот Луис носи исклучиво шорцеви: Конечно се откри неочекуваната причина!